جاس ۇرپاقتىڭ وكىلدەرى وزدەرىنىڭ ەلەكتورالدىق قۇقىعىن پايدالانىپ، قازاقستان رەسپۋبليكاسىنىڭ كونستيتۋسياسىنا ەنگىزىلگەن وزگەرىستەر مەن تۇزەتۋلەرگە داۋىس بەردى.
«جاستار ءقازىر وتە بەلسەندى: ءبىزدىڭ ەلىمىزدە بولىپ جاتقان ءتۇرلى وزگەرىستەر مەن وقيعالارعا قىزىعۋشىلىق تانىتادى، قازاقستاندىق قوعامنىڭ ءومىرىن جاقسارتۋعا باعىتتالعان بارلىق اكسيالار مەن ءىس-شارالارعا بەلسەندى قاتىسادى جانە جاڭا قازاقستاننىڭ يدەياسىن بارلىق كۇش-جىگەرىمەن قولدايدى جانە ىلگەرىلەتەدى»، – دەدى جاستار ساياساتىن دامىتۋ مەملەكەتتىك قورىنىڭ ديرەكتورى الما اۋعانبايەۆا.
مىسالى، الماتى قالاسىنىڭ جاستار رەسۋرستىق ورتالىقتارىنىڭ بەلسەندىلەرىدە شەتتە قالمادى جانە تاڭەرتەڭنەن باستاپ وزدەرىنىڭ سايلاۋ ۋچاسكەلەرى داۋىس بەردى. سونىمەن قاتار، ءبىر اي ىشىندە جاستار قوزعالىسىنىڭ كوشباسشىلارى قۇرداستارىمەن ءتۇرلى كەزدەسۋلەر، سەمينارلار وتكىزدى، وندا بۇكىل قازاقستان ءۇشىن رەفەرەندۋمنىڭ ماڭىزدىلىعىن ءتۇسىندىردى.
«كەزدەسۋ بارىسىندا الماتىلىقتار قازاقستان رەسپۋبليكاسىنىڭ كونستيتۋسياسىنا ەنگىزىلگەن تۇزەتۋلەرگە ۇلكەن قىزىعۋشىلىق تانىتتى، كوپتەگەن ادامدار بۇل وزگەرىستەر ەلىمىزدىڭ دامۋى ءۇشىن ماڭىزدى قادام ەكەندىگىنە سەنىم ءبىلدىردى. بۇگىن ءبىز ەلىمىزدىڭ، سونداي-اق بۇكىل قازاقستاننىڭ ءاربىر تۇرعىنى ءۇشىن وتە ماڭىزدى وقيعاعا قاتىسا وتىرىپ، ءوزىمىزدىڭ بەلسەندىلىگىمىزدى كورسەتتىك»، – دەپ اتاپ ءوتتى بەلسەندى ساعيدا سارباسوۆا.