23 جاسار قورعاۋشى سۇلتانبەك استانوۆ «قايرات» فۋتبول كلۋبىنان كەتتى.
«قايرات» فك باسپا ءسوز قىزمەتى ءمالىم ەتكەندەي، سۇلتانبەك استانوۆ فۋتبولداعى مانسابىن ەندى «ورداباسى» كلۋبىندا جالعاستىرادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«استانوۆ «قايرات» اكادەمياسىنا 2016 جىلى تۇسكەن بولاتىن. كەلەسى جىلى ول ەكىنشى ليگادا دەبيۋت جاساپ، 2018 جىلى ءبىرىنشى ليگادا «قايرات ا» ساپىندا وينادى. 2019 جىلى نەگىزگى قۇرامنىڭ ويىنشىسى اتاندى»، - دەپ حابارلادى كلۋبتىڭ باسپا ءسوز قىزمەتى.
ايتا كەتەيىك، قورعاۋشى سۇلتانبەك استانوۆ «سارى-قارالار» ساپىندا 62 كەزدەسۋ وتكىزىپ، 3 گول سوعىپ، 6 ناتيجەلى پاس بەردى. «قايرات» فۋتبول كلۋبى سۇلتانبەككە جاقسى ويىنى ءۇشىن العىس ايتىپ، مانسابىندا تابىسقا جەتۋىنە تىلەكتەستىگىن ءبىلدىردى.
ەسكە سالساق، الماتىدا 14 ناۋرىز كۇنى «قايرات» جانە «كاسپيي» فۋتبول كلۋبتارى اراسىنداعى ماچتان كەيىن جانكۇيەرلەر جاپپاي توبەلەس شىعارعان بولاتىن. ول كۇنى الماتىلىق «قايرات» فۋتبول كلۋبى «كاسپيي» كومانداسىن 3:1 ەسەبىمەن جەڭگەن ەدى.