كۇدىكتى كىناسىن مويىنداپ، قىلمىستى قالاي جاساعانىن ايتىپ بەردى.
بۇل تۋرالى الماتى قالالىق پوليسيا دەپارتامەنتى باسپا ءسوز قىزمەتى مالىمدەدى، دەپ حابارلايدى Almaty-akshamy.kz
قالامبايەۆ كوشەسىندەگى ۇيلەردىڭ ءبىرىنىڭ جانىندا ەكى مىلتىق پەن پاترونداردى سالاتىن قالتا كومىلگەن.
«ءبىزدىڭ بولىمشەنىڭ كريمينالدىق پوليسيا قىزمەتكەرلەرى جەدەل ىزدەستىرۋ ءىس-شارالارىن جۇرگىزۋ بارىسىندا بيىلعى جىلدىڭ 6 قاڭتارىنا قاراعان ءتۇنى قارۋ-جاراق دۇكەنىنەن قارۋ ۇرلاعانى ءۇشىن 1994 جىلى تۋعان س.ەسىمدى ازاماتتى ۇستادى. ايعاقتى زات رەتىندە تۇرعىن ءۇي ماڭىنا كومگەن قارۋ-جاراق پەن ءوق-دارى تاركىلەندى. اتاپ ايتقاندا، ماسەلە «Remington» مىلتىعى، «Benelli» تەگىس ۇڭعىلى مىلتىعى، ەكى پاترون سالاتىن قالتا جانە سەگىز پاترون تۋرالى بولىپ وتىر. كۇدىكتى كىناسىن مويىنداپ، قىلمىستى قالاي جاساعانىن ايتىپ بەردى. قىلمىستىق ءىس تەرگەلۋدە»، – دەدى المالى اۋداندىق پوليسيا باسقارماسىنىڭ باستىعى، پوليسيا پولكوۆنيگى ەسەن ىسقاقوۆ.