الماتىلىق پوليسەيلەر ۇرلانعان كولىكتى تاۋىپ الدى

كۇدىكتى رەىندە 1999 جىلى تۋعان شش.ەسىمدى ازامات ۇستالدى.

الماتى پوليسياسى ۇرلانعان جول تالعامايتىن كولىكتى تاپتى، – دەپ حابارلايدى Almaty-akshamy.kz Polisia.kz-كە سىلتەمە جاساپ.

اۆتوكولىكتى نەمەسە وزگە دە كولىك قۇرالىن زاڭسىز يەمدەنۋ – ءدال وسى باپ بويىنشا الماتى قالاسى جەتىسۋ اۋدانىنىڭ پوليسياسى قىلمىستىق ءىستى تەرگەپ جاتىر.

«ومسكايا كوشەسىندە HAVAL كولىگى ۇرلاندى. جابىرلەنۋشىنىڭ ايتۋىنشا، ول كولىكتى كوشەدە قالدىرعان. بەلگىسىز بىرەۋ كولىكتىڭ ەسىگىن اشىپ، وقيعا ورنىنان بوي تاسالاعان. وسى قىلمىستى جاسادى دەگەن كۇدىكپەن الماتى وبلىسىنىڭ تۇرعىنى، 1999 جىلى تۋعان شش.ەسىمدى ازامات ۇستالدى. اتالعان دەرەك بويىنشا ق ر قك-نىڭ 200-بابىنا سايكەس قىلمىستىق ءىس تىركەلدى. ۇستالعان ازاماتتىڭ وسىعان ۇقساس باسقا دا ەپيزودتاردى جاساۋعا قاتىسى بار-جوعى انىقتالىپ جاتىر»، – دەدى جەتىسۋ اۋداندىق پوليسيا باسقارماسىنىڭ باستىعى جانىبەك شىناسىلوۆ.

ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.