ءبىر تاۋلىك ىشىندە اۋەزوۆ اۋدانىنىڭ پوليسيا قىزمەتكەرلەرى جامبىل وبلىسى اۋماعىندا كولىك ۇرىلارىن قۇرىقتاپ، قىلمىستىڭ بەتىن اشتى، دەپ حابارلايدى Almaty-akshamy.kz.
«23 جانە 19 جاستاعى ەكى كۇدىكتى قويچۋمانوۆا كوشەسىندەگى ۇيلەردىڭ ءبىرىنىڭ اۋلاسىنان Mercedes كولىگىن ۇرلادى دەگەن كۇدىككە ءىلىندى. جەدەل ىزدەستىرۋ ءىس-شارالارى بارىسىندا كۇدىكتىلەر ۇستالدى. 23 جاستاعى ا. ەسىمدى ازامات جانە ونىڭ 19 جاستاعى م. ەسىمدى “سەرىگى” دە - جامبىل وبلىسىنىڭ تۋمالارى. ولاردىڭ جولى قورداي اۋىلىندا بوگەلدى. كولىك تاركىلەنىپ، زاتتاي ايعاق رەتىندە قىلمىستىق ىسكە قوسىلدى»، – دەدى اۋەزوۆ اۋداندىق پوليسيا باسقارماسىنىڭ باستىعى ەدىلحان بايعارايەۆ.
Polisia.kzء-تىڭ مالىمەتى بويىنشا، ءقازىر پوليسيا قىزمەتكەرلەرى ۇستالعانداردىڭ قالادا جاسالعان وسىعان ۇقساس قىلمىستارعا قاتىسى بار-جوعىن تەكسەرىپ جاتىر. اتالعان دەرەك بويىنشا قىلمىستىق ءىس تىركەلدى. تەرگەۋ بارىسىندا كۇدىكتىلەر ۋاقىتشا ۇستاۋ يزولياتورىنا قامالدى. قىلمىستىق ءىس بويىنشا باسقا دا مالىمەتتەر ق ر قپك-نىڭ 201-بابى جانە ق ر كونستيتۋسياسىنىڭ نورمالارىنا سايكەس جاريا ەتۋگە جاتپايدى.