بۇل ارەكەتتىڭ ءمان-جايى انىقتالىپ جاتىر.
الماتىنىڭ پاترۋلدىك پوليسەيلەرى وز-وزىنە قول جۇمساماق بولعان ازاماتتى قۇتقارىپ قالدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
تۇندە “102” پۋلتىنە حابارلاما كەلىپ ءتۇستى. بوستاندىق اۋدانىنىڭ قوبالجىعان تۇرعىنى كۇيەۋىنىڭ ماس كۇيىندە وز-وزىنە قول جۇمساماق بولعانىن ايتتى. كومەككە ءبىرىنشى بولىپ “بۋران-143” پاترۋلدىك ەكيپاجى باردى. ەر ادام ءۇي سىرتىنداعى كونديسيونەر كومپرەسسورىنا وتىرىپ العان جانە تومەنگە سەكىرەمىن دەپ قورقىتقان. ونىڭ ۇستىنە قولىندا پىشاق بولعان.
«ونىڭ قولىندا ۇلكەن اس ءۇي پىشاعى بولدى. پىشاقتى تاماق تۇسىنا تاقاپ العان. پوليسيا قىزمەتكەرلەرى جارادى، قورىقپادى. كۇيەۋىم ولاردى دا پىشاقپەن جارالاۋى مۇمكىن ەدى. پوليسيا قىزمەتكەرلەرىنە كوپ راقمەت»، – دەدى قالا تۇرعىنى.
ايەلدىڭ ايتۋىنشا، كۇيەۋى ماس كۇيىندە اشۋعا بۋلىعىپ، جانجال شىعارعان. سودان كەيىن ول وز-وزىنە قول جۇمساماق بولدى. بوستاندىق اۋداندىق پوليسيا باسقارماسىنىڭ قىزمەتكەرلەرى وز-وزىنە قول جۇمساۋ ارەكەتىنىڭ ءمان-جايىن انىقتاپ جاتىر.