ازاماتتاردى تۇرعىلىقتى جەرى بويىنشا تىركەۋ، اباتتاندىرۋ ەرەجەلەرى، قارۋ-جاراقتى ساقتاۋ ەرەجەلەرى، اشىلعان مۇلىكتىك قىلمىستار جانە ت.ب. بۇزۋشىلىقتاردى انىقتاۋ – الماتى قالاسىنىڭ ناۋرىزباي اۋدانىندا جۇرگىزىلگەن ءبىر كۇندىك رەيدتىڭ ناتيجەسى.
“قۇقىقتىق ءتارتىپ” جەدەل الدىن الۋ ءىس-شاراسى اياسىندا ءىرى بازارعا جاقىن ورنالاسقان جەكە سەكتورعا جەرگىلىكتى رەيدتەر جۇرگىزىلدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
تەك ءبىر كوشەنىڭ وزىندە تەكسەرۋ بارىسىندا ءبىرقاتار زاڭ بۇزۋشىلىقتار انىقتالدى: ق ر اقبتك-نىڭ 492-بابى (ازاماتتاردى تۇرعىلىقتى جەرى بويىنشا تىركەۋ ءتارتىبىن بۇزۋ) بويىنشا 54 اكىمشىلىك حاتتامالار تولتىرىلدى. ق ر اقبتك-نىڭ 505-بابى (اباتتاندىرۋ ەرەجەلەرىن بۇزۋ) بويىنشا 46 بۇزۋشىلىق انىقتالدى، ونىڭ 6-ى زاڭدى تۇلعالارمەن. قوعامدىق ورىندا الكوگولدىك ىشىمدىك ءىشىپ، ماس كۇيىندە جۇرگەن 23 ادام ۇستالدى.
كورسەتىلگەن ەپيزودتار بويىنشا ق ر اقبتك-نىڭ 440-بابىنا سايكەس حاتتامالار تولتىرىلدى. سونداي-اق قارۋدى ساقتاۋ جانە تىركەۋ بويىنشا زاڭ بۇزۋشىلىقتار انىقتالدى – ق ر اقبتك-نىڭ 486 بابىنا (ازاماتتىق، قىزمەتتiك، ماراپاتتىق، كوللەكسيالىق قارۋدى تiركەۋ (قايتا تiركەۋ) نە ونى ەسەپكە قويۋ ءتارتىبىن بۇزۋ) سايكەس 3 ادام جاۋاپكەرشىلىككە تارتىلدى.
«بۇل ءىس-شارا ەڭ الدىمەن، قوعامدىق ءتارتىپتى بۇزۋدىڭ جولىن كەسۋگە، قوعامدىق ورىنداردا قۇقىق بۇزۋشىلىقتىڭ الدىن الۋعا، سونداي-اق مۇلدەم توزبەۋشىلىك قاعيداتىن نىعايتۋعا باعىتتالعان. وسىنداي رەيدتەر بارلىق جەردە جۇرگىزىلەدى. پوليسەيلەردىڭ ۇيلەسىمدى جۇمىسى – ازاماتتارىمىزدىڭ تىنىشتىعىنىڭ كەپىلى»، – دەدى ناۋرىزباي اۋداندىق پوليسيا باسقارماسىنىڭ باستىعى ديدار جاقىپبايەۆ.