باتىرلاردىڭ ەسىمدەرى ءبىزدىڭ جۇرەگىمىزدە جانە جادىمىزدا ماڭگى ساقتالادى.
الماتىلىق پوليسەيلەر قىزمەتتىك بورىشىن وتەۋ بارىسىندا قازا تاپقان ارىپتەستەرىن ەسكە الدى، دەپ حابارلايدى Almaty-akshamy.kz الماتى قالالىق پوليسيا دەپارتامەنتى باسپا ءسوز قىزمەتىنە سىلتەمە جاساپ.
ءتارتىپ ساقشىلارى ولارعا اۋەزوۆ اۋداندىق پد بازاسىندا ەسكەرتكىش ورناتتى. اشىلۋ سالتاناتىنا الماتى قالالىق پوليسيا دەپارتامەنتىنىڭ باسشىلىعى، ارداگەرلەر، پوليسيا قىزمەتكەرلەرى، سونداي-اق، حالىق قاھارمانى عازيز بايتاسوۆتىڭ ايەلى قاتىستى.
«تاۋەلسىزدىك جىلدارىندا الماتى پوليسياسىنىڭ 70 قىزمەتكەرى قىزمەتتىك مىندەتتەرىن ورىنداۋ بارىسىندا قازا تاپتى، ولاردىڭ 32ء-سى قىلمىسپەن بىتىسپەس كۇرەستە، بەسەۋى اۋەزوۆ اۋداندىق پوليسيا باسقارماسىندا قىزمەت ەتتى. ولاردىڭ ادالدىعى مەن ەرلىگى تاريحتا قالادى، بارلىق ۋاقىتتا زاڭدىلىق پەن ءتارتىپتى قامتاماسىز ەتۋدە ۇلگىلى قىزمەت كورسەتۋدىڭ ۇلگىسى بولادى جانە ۇرپاقتان-ۇرپاققا مۇرا بولىپ قالادى. باتىرلاردىڭ ەسىمدەرى ءبىزدىڭ جۇرەگىمىزدە جانە جادىمىزدا ماڭگى ساقتالادى»، - دەدى الماتى قالالىق پوليسيا دەپارتامەنتىنىڭ باستىعى قانات تايمەردەنوۆ.
سونىمەن قاتار، پد باسشىسى ءداستۇرلى مەرەكە قارساڭىندا ەرلىكپەن قازا تاپقان تاعى ءبىر وتباسىنا جانە پوليسيا قىزمەتكەرى ماقسات دابىلوۆقا باردى، ول 2011 جىلدىڭ قاراشاسىندا قىلمىسكەرلەر-دەسترۋكتيۆتى ءدىني اعىم ۇستانۋشىلارىنىڭ زاڭسىز ارەكەتتەرىن توقتاتۋ كەزىندە قازا تاپتى.