الماتىلىق پوليسەيلەر قازا تاپقان ارىپتەستەرىنىڭ بالالارىنا دەمالىس ۇيىمداستىردى

بالالار ويناپ، كوڭىلدى جانە قىزىقتى ۋاقىت وتكىزدى.

الماتى پوليسەيلەرى قىزمەت بارىسىندا قازا تاپقان ارىپتەستەرىنىڭ بالالارىنا جازعى دەمالىس ۇيىمداستىردى، دەپ حابارلايدى Almaty-akshamy.kz Polisia.kz-كە سىلتەمە جاساپ.

قىزمەتتىك مىندەتتەرىن ورىنداۋ كەزىندە قازا تاپقان نەمەسە زارداپ شەككەندەردىڭ وتباسىلارىنىڭ بالالارىنا پوليسيا قىزمەتكەرلەرى اكۆاپارككە ساياحات ۇيىمداستىردى.

«بالالار ويناپ، كوڭىلدى جانە قىزىقتى ۋاقىت وتكىزدى. ولار ەكسترەمالدى سىرعاناقتارمەن سىرعانادى، ۇلكەن باسسەين ەشكىمدى بەيجاي قالدىرمادى، ەڭ كىشكەنتايلارعا اكۆاپاركتە ەكى باسسەينى بار ارنايى ايماق بار. كوڭىلگە جىلىلىق سىيلاعان ءىس-شارا بارىسىندا بالالار زور قۋانىشقا كەنەلدى»، – دەدى الماتى قالالىق پوليسيا دەپارتامەنتى باستىعىنىڭ ورىنباسارى ولجاس مىرزابەكوۆ.

ءوز كەزەگىندە، الماتى پوليسياسىنىڭ باسشىلىعى «الەمنىڭ سەگىزىنشى كەرەمەتى» اكۆاپاركىنىڭ جانە «التىن – تاراز» تفك ج ش س ۇجىمىنا ۇسىنعان دەمالىسى، ءىلتيپاتى مەن مەيىرىمدىلىگى ءۇشىن ۇلكەن العىسىن ءبىلدىردى. ولاردىڭ مەرەكەسىنە ەشنارسە كولەڭكە تۇسىرمەس ءۇشىن 30-دان استام بالانى 20-دان استام ەرەسەك ادام ەرتىپ ءجۇردى.