قيىن جاعدايدا ساسقالاقتاماۋ، جەدەل ارەكەت ەتۋ جانە ۋچاسكەلىك ينسپەكتورلاردىڭ ۇيلەسىمدى ىس-ارەكەتى 65 جاستاعى ەر ادامنىڭ ءومىرىن ساقتاپ قالۋعا كومەكتەستى.
ەسەنبەرلين كوشەسىندەگى ۇيلەردىڭ بىرىندە قايعىلى وقيعا ورىن الا جازدادى. ءۇي يەسى ماس كۇيىندە وز-وزىنە قول جۇمساماق بولعان، دەپ حابارلايدى Almaty-akshamy.kz Polisia.kz-كە سىلتەمە جاساپ.
ءبىراق الدىمەن قوشتاسۋ ءۇشىن تۋىستارى مەن دوستارىنا تەلەفون سوققان. ءبىرىنشى بولىپ دوسى دابىل قاقتى. ول بىردەن “102” نومىرىنە قوڭىراۋ شالعان.
«ءۇيدىڭ ەسىگى قۇلىپتاۋلى بولدى، ونى سىندىرۋعا ءماجبۇر بولدىق. ۇيگە كىرسەك، بۇل ادام پەشتىڭ جىلىتۋ قۇبىرىندا ءىلۋلى تۇردى. مەن كوتەردىم، سەرىكتەسىم ونى شەشىپ الدى. العاشقى مەديسينالىق كومەك كورسەتتىك. اۋاعا شىعاردىق. جەدەل جاردەم شاقىردىق»، – دەدى مەدەۋ اۋداندىق پب جپقب ءۋپپ-نىڭ ۋچاسكەلىك ينسپەكتورى الماس جانعالي.
دارىگەرلەر زارداپ شەككەن ادامعا كومەك كورسەتتى. وسىدان كەيىن عانا ول ورنى تولماس قاتەلىك جىبەرىپ قويا جازداعانىن ءتۇسىندى.
«ءومىرىمدى ساقتاپ قالعان پوليسيا قىزمەتكەرلەرىنە ۇلكەن راقمەت! بۇلاي بولعانىنا كەشىرىم وتىنەمىن. قاتەلىك جاسادىم«»، – دەدى تۇرعىن.
«جاعىمسىز جاعداي. پوليسيا قىزمەتكەرلەرىنە مىڭ العىس. ونى شەشىپ ۇلگەردى. مىڭ العىس» – دەيدى تۋىسى.