وقۋ جىلىنىڭ اياقتالۋى جانە ەمتيحان تاپسىرۋ مەرزىمدەرى بەلگىلى بولدى

ءبىلىم مينيسترلىگى قازاقستان مەكتەپتەرىندە وقۋ جىلىنىڭ اياقتالۋى جانە اتتەستاتتاۋ وتكىزۋ مەرزىمدەرى كورسەتىلگەن بۇيرىق جوباسىن دايىندادى. ءبىراق مەرزىمدەر قوعامدىق تالقىلاۋ كەزىندە وزگەرتىلۋى مۇمكىن، دەپ حابارلايدى اlmaty-akshamy.kz Tengrinews.kz -كە سىلتەمە جاساپ.

بۇيرىق مەنشىك نىسانىنا جانە ۆەدومستۆولىق باعىنىستىلىعىنا قاراماستان، ورتا ءبىلىم بەرۋ ۇيىمدارىندا 2022-2023 وقۋ جىلىن اياقتاۋدى ۇيىمداستىرۋ ماقساتىندا ازىرلەنگەن. جوسپارعا سايكەس، ورتا ءبىلىم بەرۋ ۇيىمدارىندا وقۋ ساباقتارى 31 مامىردا اياقتالادى.

9 (10) سىنىپ وقۋشىلارى ءۇشىن ەمتيحان تاپسىرۋ 2 ماۋسىم مەن 13 ماۋسىم ارالىعىندا وتكىزىلەدى.

11 (12) سىنىپ وقۋشىلارى ءۇشىن مەملەكەتتىك ەمتيحان تاپسىرۋ 5 ماۋسىم مەن 19 ماۋسىم ارالىعىندا وتكىزۋ جوسپارلانعان.

جوبا قورىتىندى اتتەستاتتاۋ مەرزىمىن بەلگىلەيدى.

9 (10)-سىنىپ وقۋشىلارى ءۇشىن:

1. قازاق/ورىس ءتىلى جانە وزبەك/ۇيعىر/تاجىك تىلىندە ءبىلىم بەرەتىن مەكتەپتەر ءۇشىن انا ءتىلى (وقىتۋ ءتىلى) بويىنشا ەسسە نىسانىندا جازباشا ەمتيحان، گۋمانيتارلىق سيكل پاندەرىن تەرەڭدەتىپ وقىتاتىن مەكتەپ ءبىلىم الۋشىلارى ءۇشىن جازباشا جۇمىس (ماقالا، اڭگىمە، ەسسە) – 2 ماۋسىم؛

2. ماتەماتيكا (الگەبرا) بويىنشا جازباشا ەمتيحان (باقىلاۋ جۇمىسى) – 6 ماۋسىم؛

3. ورىس/ وزبەك/ ۇيعىر/ تاجىك تىلىندە وقىتاتىن سىنىپتاردا قازاق ءتىلى مەن ادەبيەتى بويىنشا جازباشا ەمتيحان (ماتىنمەن جۇمىس، ءماتىن بويىنشا تاپسىرمالاردى ورىنداۋ) جانە قازاق تىلىندە وقىتاتىن سىنىپتاردا ورىس ءتىلى مەن ادەبيەتى بويىنشا جازباشا ەمتيحان (ماتىنمەن جۇمىس، ءماتىن بويىنشا تاپسىرمالاردى ورىنداۋ) – 9 ماۋسىم؛

4. تاڭداۋ ءپانى بويىنشا جازباشا ەمتيحان (فيزيكا، حيميا، بيولوگيا، گەوگرافيا، گەومەتريا، قازاقستان تاريحى، دۇنيەجۇزى تاريحى، ادەبيەت (وقىتۋ ءتىلى بويىنشا)، شەت ءتىلى (اعىلشىن/فرانسۋز/نەمىس)، ينفورماتيكا) – 13 ماۋسىم؛

11 (12) سىنىپ وقۋشىلارى ءۇشىن:

1. قازاق/ورىس ءتىلى بويىنشا جانە وزبەك/ۇيعىر/تاجىك تىلىندە ءبىلىم بەرەتىن مەكتەپتەر/سىنىپتار ءۇشىن انا ءتىلى (وقىتۋ ءتىلى) بويىنشا جازباشا ەمتيحان – 5 ماۋسىم؛

2. الگەبرا جانە اناليز باستامالارى بويىنشا جازباشا ەمتيحان – 8 ماۋسىم؛

3. قازاقستان تاريحى بويىنشا اۋىزشا ەمتيحان – 12 ماۋسىم؛

4. ورىس/وزبەك/ۇيعىر/تاجىك تىلدەرىندە وقىتاتىن مەكتەپتەردە/سىنىپتاردا قازاق ءتىلى مەن ادەبيەتىنەن جانە قازاق تىلىندە وقىتاتىن مەكتەپتەردە/سىنىپتاردا ورىس ءتىلى مەن ادەبيەتىنەن جازباشا ەمتيحان – 15 ماۋسىم؛

5. تاڭداۋ ءپانى بويىنشا جازباشا ەمتيحان (فيزيكا، حيميا، بيولوگيا، گەوگرافيا، گەومەتريا، دۇنيەجۇزىلىك تاريح، قۇقىق نەگىزدەرى، ادەبيەت (وقىتۋ ءتىلى بويىنشا)، شەت ءتىلى (اعىلشىن/فرانسۋز/نەمىس)، ينفورماتيكا) – 19 ماۋسىم.

ءقازىر بۇيرىق جوباسى 2 ناۋرىزعا دەيىن جالعاساتىن قوعامدىق تالقىلاۋعا ۇسىنىلعان. ونى مىنا سىلتەمەدەن وقي الاسىز.