شەتەل ازاماتتارى ارنايى ءىس-شارا ناتيجەسىندە ۇستالدى، دەپ حابارلايدى Almaty-akshamy.kz
كيبەرپولدىڭ مالىمەتىنشە، ولار قاراجاتتى قولما-قول اقشاعا اينالدىرۋعا جاۋاپتى ادامدار.
«الماتىدا المالى اۋدانىنداعى تۇرعىن ءۇي كەشەندەرىنىڭ بىرىندە جالعا الىنعان پاتەردە قىرعىزستاننىڭ ءۇش ازاماتى ۇستالدى. ولاردىڭ قازاقستانعا اقشا تابۋ ماقساتىندا كەلگەندىگى بەلگىلى بولدى. ۇستالعانداردىڭ ايتۋىنشا، ولار جۇمىس بەرۋشىمەن ينتەرنەت ارقىلى تانىسقان. ءدال وسى ادىسپەن باسقا تولەم رەسۋرستارىن پايدالانا وتىرىپ، قاراجاتتى الۋ جانە ولاردى ودان ءارى جىبەرۋ تۋرالى نۇسقاۋلار الىپ وتىرعان. شەتەلدىكتەر وسى جۇمىسى ءۇشىن سىياقى العان»، – دەدى الماتى قالالىق پد باستىعىنىڭ ورىنباسارى ديدار احانوۆ.
كۇدىكتىلەردىڭ قۇربانى 75 جاستاعى زەينەتكەر بولدى. بانك قىزمەتكەرلەرى وعان قوڭىراۋ شالىپ، ءداستۇرلى سەناريي بويىنشا رۇقسات ەتىلمەگەن نەسيەلىك ءوتىنىم بەرۋ تۋرالى حاباردار ەتىپ، جيناق اقشاسىن ءقاۋىپسىز شوتقا اۋدارۋعا كوندىرگەن جانە اقشانى ۇرلاعان.