الماتىلىق پوليسەيلەر فۋرمانوۆ شىڭىن باعىندىردى

بۇل ءىس-شارا قازاقستان پوليسياسى كۇنى مەرەكەسى قارساڭىندا ۇيىمداستىرىلعان. ەلىمىزدەگى پوليسەيلەردىڭ كاسىبي مەرەكەسى 23 ماۋسىمعا بەلگىلەنگەن.

الماتى قالالىق پد باسشىلىعى فۋرمانوۆ شىڭىن باعىندىردى، – دەپ حابارلايدى Almaty-akshamy.kz Polisia.kz-كە سىلتەمە جاساپ.

پوليسيا اۋا رايىنىڭ قولايسىزدىعىنا قاراماستان، جەكسەنبى كۇنى شىڭعا شىقتى. شىڭدى باعىندىرۋشىلار قاتارىندا الماتى پد باسشىلىعى، اۋداندىق باسقارمالار مەن پوليسيا بولىمدەرىنىڭ باسشىلارى، سونداي-اق دەپارتامەنتتىڭ دەربەس بولىمشەلەرىنىڭ قىزمەتكەرلەرى بولدى.

«شىنىمدى ايتسام، بۇل ءبىزدىڭ قىزمەتكەرلەردىڭ تاۋعا العاشقى ساپارى ەمەس. كاسىبي بولماسا دا، ءبىراق جوعارى ساپالى اۋەسقوي دەڭگەيىندە بولدى. جول وڭاي بولعان جوق، تۇمان مەن جاڭبىر دا بەلگىلى ءبىر قولايسىزدىقتاردى تۋدىردى. ءبىراق، شىڭعا شىققانداردىڭ الدىندا جالعىز ماقسات بولدى – قاشىقتىقتى سوڭىنا دەيىن جانە بارلىق قۇراممەن ءجۇرىپ ءوتۋ. شىڭعا كوتەرىلگەننەن كەيىن قازاقستاننىڭ تۋى ءداستۇرلى تۇردە جەلبىرەدى»، – دەدى الماتى قالالىق پوليسيا دەپارتامەنتىنىڭ باستىعى قانات تايمەردەنوۆ.

مەرەكە وراي ۇيىمداستىرىلعان بۇل شارا جاستارعا پاتريوتتىق، ادامگەرشىلىك جانە رۋحاني تاربيە تۇرعىسىنان جاقسى ۇلگى بولادى.