الماتىلىق پوليسەيلەر ەسىرتكى اۋەسقويلارىن ۇستادى

ەكەۋى دە الماتى قالالىق پد ۋاقىتشا ۇستاۋ يزولياتورىنا قامالدى.

الماتى پوليسەيلەرى سينتەتيكالىق ەسىرتكى اۋەسقويلارىن ۇستادى، دەپ حابارلايدى Almaty-akshamy.kz Polisia.kz سايتىنا سىلتەمە جاساپ.

اۋەزوۆ اۋدانىنىڭ اۋماعىندا پاترۋلدىك پوليسيا قىزمەتكەرلەرى 32 جاستاعى الماتى تۇرعىنىنان پسيحوتروپتىق زاتتار سالىنعان سەگىز بۋمانى تاپتى جانە تاركىلەدى. ۇستالعان ادام بۋمالاردى كەزدەيسوق تاپقانىن جانە ولاردى وزىنە قالدىرۋعا شەشىم قابىلداعانىن ايتتى.

پوليسيا قىزمەتكەرلەرى 1995 جىلى تۋعان تاعى ءبىر جەرگىلىكتى تۇرعىندى 31 بۋما سينتەتيكالىق ەسىرتكى – «مەفەدرونمەن» ۇستادى. جيىنتىق كەستەگە سايكەس، تاركىلەنگەن ءشوپ اسا ءىرى كولەمدە جانە پسيحوتروپتىق زات بولىپ تابىلادى. جىگىتتىڭ ايتۋى بويىنشا، ول سينتەتيكالىق ەسىرتكىنى ءوزى قولدانادى.

«تەكسەرۋ كەزىندە سينتەتيكالىق ەسىرتكى تاركىلەندى. قىلمىستىق ىستەر ق ر قك-نىڭ 296-بابى 4-بولىگى (پسيحوتروپتىق زاتتاردى اسا ءىرى كولەمدە ساتۋ ماقساتىنسىز زاڭسىز الۋ، ساقتاۋ) بويىنشا تىركەلدى، ال، بۇل - ءۇش جىلدان جەتى جىلعا دەيىن باس بوستاندىعىنان ايىرۋ. كۇدىكتىلەرگە قاتىستى ۇستاۋ تۇرىندەگى بۇلتارتپاۋ شاراسى قولدانىلدى. سينتەتيكالىق اۋەسقويلاردىڭ ەكەۋى دە الماتى قالالىق پد ۋاقىتشا ۇستاۋ يزولياتورىنا قامالدى»، – دەپ ءتۇسىندىردى اۋەزوۆ اۋداندىق پوليسيا باسقارماسىنىڭ باستىعى ۇلان ءابىلقايىر.