سپورتتىق شارا قازاقستان پوليسياسى كۇنىنە وراي ۇيىمداستىرىلدى.
سپورتتىق شارا قازاقستان پوليسياسى كۇنىنە وراي ۇيىمداستىرىلدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
سالاۋاتتى ءومىر سالتىن، قولدانبالى سپورت تۇرلەرىن كەڭىنەن ناسيحاتتاۋ، پوليسيا قىزمەتكەرلەرى اراسىندا دەنە شىنىقتىرۋ جۇمىستارىن جانداندىرۋ ماقساتىندا وتكەن ەستافەتاعا پد-نىڭ 12-گە جۋىق قىزمەتى مەن بولىمشەلەرىنەن 130-دان استام ءتارتىپ ساقشىسى قاتىستى.
«كاسىبي مەرەكە قارساڭىندا پوليسيا ەستافەتاسىن وتكىزۋ يگى داستۇرگە اينالدى. بۇل جولى ادام از، كولىكتەر از جۇرەتىن قالانىڭ يندۋستريالدى ايماعىنىڭ اۋماعىندا ءوتتى. 12 كوماندا پاترۋلدىك جۇگىرۋ، گاز تۇمىلدىرىعىن كيىپ جۇگىرۋ، زەمبىلمەن جانە اۆتوماتپەن جۇگىرۋ سياقتى 8 كەزەڭ بويىنشا سىنعا ءتۇستى. مۇنىڭ ءبارى، ەڭ الدىمەن، تۇرعىندارىمىزدىڭ پوليسيانىڭ ءاردايىم قىراعى، سپورتتىق جانە فيزيكالىق تۇرعىدان دامىعانىن كورىپ، ءبىلۋى ءۇشىن جاسالدى. تيىسىنشە، قالالىقتار پوليسياعا ءارقاشان ارقا سۇيەپ، كومەكتىڭ دەر كەزىندە كەلەتىنىن بىلەتىن بولادى. دەنە شىنىقتىرۋ جانە سپورتپەن اينالىسۋ، جارىستارعا قاتىسۋ پوليسيا قىزمەتكەرلەرىنە جەدەل-قىزمەتتىك مىندەتتەردى تابىستى ورىنداۋعا ىقپال ەتەتىن جاڭا داعدىلاردى مەڭگەرۋگە كومەكتەسەدى»، – دەدى الماتى قالالىق پوليسيا دەپارتامەنتى باستىعىنىڭ ورىنباسارى داۋرەن وتەبايەۆ.
سالاۋاتتى ءومىر سالتى – قالالىق پوليسيا قىزمەتكەرلەرىنىڭ كۇندەلىكتى جۇمىسىنىڭ اجىراماس بولىگى. دەنى ساۋ، سىرتقى كەلبەتى كەلىسكەن پوليسيا قىزمەتكەرلەرى “سپورت – دەنساۋلىق كەپىلى” دەگەن اقيقاتقا سۇيەنە وتىرىپ، كاسىبي جانە شەبەرلىكپەن قىلمىستى اشىپ، الدىن الۋمەن قاتار، فيزيكالىق تۇرعىدان دا دامىپ كەلەدى. بۇگىنگى تاڭدا الماتى پوليسياسىنىڭ جەكە قۇرامىنىڭ اراسىندا كاسىبي سپورتشىلار جەتكىلىكتى. ولاردىڭ اراسىندا سپورت شەبەرلەرى مەن حالىقارالىق دارەجەدەگى سپورت شەبەرلەرى دە بار. تەرگەۋشىلەر، پاترۋلدىك قىزمەتكەرلەر، ۋچاسكەلىك پوليسيا قىزمەتكەرلەرى جانە پد-نىڭ باسقا دا بولىمشەلەرى وكىلدەرىنىڭ سپورتتىق جەتىستىكتەرى حالىقارالىق دەڭگەيدە كوزگە ءتۇسىپ، وڭ باعاسىن الدى. جارىس قورىتىندىسى بويىنشا تۇركسىب اۋداندىق پوليسيا باسقارماسىنىڭ قۇراما كومانداسى جەڭىمپاز دەپ تانىلدى. المالى اۋداندىق پوليسيا باسقارماسىنىڭ قىزمەتكەرلەرى ارىپتەستەرىنەن بىرنەشە سەكۋندتا عانا قالىپ قويدى. ءۇشىنشى جۇلدەلى ورىندى بوستاندىق اۋداندىق پوليسيا باسقارماسىنىڭ كومانداسى يەلەندى.