پوليسيا دەپارتامەنتىنىڭ قابىلداپ-تاراتۋ ورنىنىڭ قىزمەتكەرى ابىلايحان ورالبەكوۆ قىراعىلىعىنىڭ ارقاسىندا كوپقاباتتى ءۇيدى ورتتەن ساقتاپ قالدى.
قىزمەت بابىندا جۇرگەن ول قارسى بەتتەگى تۇرعىن ۇيدەن ءتۇتىن شىعىپ جاتقانىن بايقاپ قالعان. جاقىنداپ بارسا، ءبىرىنشى قاباتتا ورنالاسقان دۇكەننىڭ اعاش قاپتاماسى جانا باستاعان ەكەن. دەرەۋ ارەكەت ەتكەن پوليسەي جالىندى ورشىتپەي، تۇرعىنداردىڭ قاۋىپسىزدىگىن قامتاماسىز ەتتى.