جەكە سەكتورداعى ورتتەردى جانە گازبەن ۋلانۋدى ازايتۋ ماقساتىندا الماتى قالاسى تجد قىزمەتكەرلەرى مۇمكىندىگىنشە كوبىرەك جەكە ۇيلەردى تۇسىندىرمە جۇمىستارىمەن قامتۋعا تىرىسىپ، ءورت قاۋىپسىزدىگى سەنبىلىگىن وتكىزدى، دەپ حابارلايدى اlmaty-akshamy.kz
قۇتقارۋشىلاردى «قىزىل جارتى اي قوعامى» جانە «قت كوشباسشىسى»، «قازترانسايماق»، الەۋمەتتىك ءال-اۋقات باسقارماسى، اكىمدىك قولدادى.
تەك سەنبى، جەكسەنبى كۇندەرى تجد جەكە قۇرامى 2 مىڭنان استام تۇرعىن ۇيلەردى ارالاپ، ءورت قاۋىپسىزدىگى ەرەجەلەرىن ساقتاۋ تۋرالى جادىنامالار تاراتىلدى.
2021 جىلدىڭ قىركۇيەگىنەن باستاپ 148 مىڭ 346 جەكە تۇرعىن ءۇي ەسەپكە الىندى، ونىڭ ىشىندە الەۋمەتتىك اباتتاندىرۋ باسقارماسىنىڭ وكىلدەرىمەن بىرلەسىپ، حالىقتىڭ الەۋمەتتىك وسال توپتارىنىڭ 1 400-دەن استام ءۇيى تەكسەرىلدى.
بەيالەۋمەتتىك ءومىر سالتىن جۇرگىزەتىن ازاماتتارعا جاتاتىن 1 876 ادامدار انىقتالىپ جانە جەرگىلىكتى پوليسيا قىزمەتىنىڭ قاتىسۋىمەن بىرلەسكەن رەيدتەر وتكىزىلدى.
قاناعاتتانارلىقسىز جاعدايداعى حالىقتىڭ الەۋمەتتىك وسال توپتارىنا جاتاتىن 325 ءۇي انىقتالىپ، ولارعا اتاۋلى الەۋمەتتىك كومەك كورسەتۋ ءۇشىن اۋداندىق اكىمدىكتەر مەن الەۋمەتتىك ءال-اۋقات باسقارمالارى حابارلاندى.
سونىمەن قاتار، 54 وتباسى ءۇشىن «كومەك قولى» ناۋقانى ۇيىمداستىرىلىپ، وندا تجد قىزمەتكەرلەرى ەلەكتر جەلىلەرىن، جىلىتۋ جۇيەلەرىن، پەش كونسترۋكسيالارىنداعى جارىقتاردى جوندەۋ، تۇتىندىكتەردى كۇيەدەن تازارتۋ بويىنشا اتاۋلى ورت-پروفيلاكتيكالىق كومەك كورسەتتى، وندا 50-گە جۋىق ۋلى گاز داچيكتەرى ورناتىلدى (2019 جىلدان باستاپ 1 304 ءۇي جابدىقتالعان). ۋلى گازدان قورعايتىن داچيكتەردى ورناتۋ حالىقتىڭ الەۋمەتتىك وسال توپتارىنىڭ ۇيلەرىندە عانا جۇرگىزىلەتىنىن اتاپ ءوتۋ قاجەت.
جەكە تۇرعىن ۇيلەردە گازبەن ۋلانۋ جاعدايلارىن بولدىرماۋ ءۇشىن، اقماتى قالاسى تجد قاراپايىم ءورت قاۋىپسىزدىگى ەرەجەلەرىن ەسكە سالادى:
- جىلىتۋ پەشتەرىنىڭ ءتۇتىن مۇرجالارىن، تۇتىندىكتەرىن تىكەلەي جىلىتۋ ماۋسىمىنىڭ الدىندا جانە بارىسىندا كۇيەدەن تازارتۋ قاجەت؛
- پەشتەردە، مۇرجالاردا جانە باسقا دا جىلىتۋ قۇرالدارىندا وتىندى، كيىم-كەشەكتى جانە باسقا دا جانعىش زاتتاردى كەپتىرۋگە بولمايدى؛
- گاز جانە جىلۋ جۇيەلەرىنە ۇنەمى جانە ساپالى قىزمەت كورسەتىن ماماندارعا جۇگىنۋ قاجەت ؛
- ءورتتى كورىپ نەمەسە ءتۇتىننىڭ ءيىسى سەزىلسە، 101 نەمەسە 112 نومىرىنە قوڭىراۋ شالىڭىز.