الماتىدا كولىك تەرەزەلەرىن سىندىرعان ەر ادام ۇستالدى، دەپ حابارلايدى اlmaty-akshamy.kz Polisia.kz سىلتەمە جاساپ.
قاسكويدىڭ زاڭسىز ارەكەتى “ءقاۋىپسىز اۋلا” باعدارلاماسى بويىنشا تۇرعىن ۇيلەردىڭ كىرەبەرىسىنىڭ الدىنا ورناتىلعان بەينەباقىلاۋ كامەرالارى ارقىلى جازىلىپ قالعان.
– بۇل دەرەكتەر الەۋمەتتىك جەلىلەر ارقىلى بەلگىلى بولدى. ول كەزدە پوليسياعا رەسمي وتىنىشتەر بولعان جوق. سوعان قاراماستان، بوتەننىڭ مۇلكىن ۇرلاۋ دەرەگى ق ر قك-نىڭ 188-بابى بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە تىركەلدى. جەدەل ءىس-شارالار بارىسىندا كولىكتەرى ءدال وسىنداي جولمەن تونالعان تاعى التى جابىرلەنۋشى انىقتالدى. كۇدىكتى – 1996 جىلى تۋعان ب.ەسىمدى ازامات ۇستالدى. تەرگەۋدىڭ وسى كەزەڭىندە ول تەك ەكى ۇرلىق جاساعانىن مويىندادى. ونىڭ بەرگەن جاۋاپتارىنىڭ قانشالىقتى راس ەكەنىن الداعى تەرگەۋلەر كورسەتەدى، – دەيدى جەتىسۋ اۋداندىق پوليسيا باسقارماسىنىڭ باستىعى دارحان مۇسانوۆ.
بايانداماشى كولىكتەردىڭ تەرەزەلەرىن سىندىرۋ سەبەبىن دە ايتىپ ءوتتى. ونىڭ ايتۋىنشا، قاسكويدى تەك كولىكتەرگە ورناتىلعان بەينەتىركەگىشتەر عانا قىزىقتىرعان.