ق ر پرەزيدەنتىنىڭ جارلىعىمەن الماتى قالاسى تجد ءورت ءسوندىرۋشىسى ماراپاتتالدى
جانىپ جاتقان ۇيدەن 29 جاستاعى ەر ادامدى قۇتقارۋ كەزىندە كورسەتكەن ەرلىگى مەن كاسىبيلىگى ءۇشىن الماتى قالاسى تجد قىزمەتكەرى ءورت ءسوندىرۋشى-قۇتقارۋشى نۇرسۇلتان ابدىكارىموۆتى رەسپۋبليكا سارايىندا سالتاناتتى تۇردە ق ر پارلامەنتى سەناتىنىڭ ءتوراعاسى ماۋلەن اشىمبايەۆ قازاقستان رەسپۋبليكاسىنىڭ قۇرمەت گراموتاسىمەن ماراپاتتادى، دەپ حابارلايدى Almaty-akshamy.kz.
05 مامىر كۇنى تۇنگى ساعات 02: 05-تە الماتى تجد 101 پۋلتىنە جەتىسۋ اۋدانىنداعى جانگەلدين كوشەسى، 91 مەكەن-جايىنداعى ءورت تۋرالى حابارلاما كەلىپ ءتۇستى. ءورت ورنىنا دەرەۋ №8 ءورت ءسوندىرۋ ءبولىمىنىڭ كۇشتەرى مەن قۇرالدارى جىبەرىلدى، جۇمىلدىرىلعان ءورت ءسوندىرۋشى-قۇتقارۋشىلاردىڭ ءبىرى نۇرسۇلتان بولعان. وقيعا ورنىنا 02:13دە جەتكەندە، شارۋاشىلىق قۇرىلىستارىنىڭ قىزىل جالىنمەن جانىپ تۇرعانى، ءورت جەكە تۇرعىن ۇيگە تارالىپ ۇلگەرگەن. تەرەزەلەردەن قارا قالىڭ ءتۇتىن مەن وت جالىنى لاۋلاپ تۇردى. كۋاگەرلەردىڭ ايتۋىنشا، وتقا ورانعان جەكە تۇرعىن ءۇيدىڭ ىشىندە ادامداردىڭ قالۋى مۇمكىن بولاتىنىانىقتالدى. ءورت ءسوندىرۋ باسشىسىنىڭ كومانداسى بويىنشا قۇرامىندا نۇرسۇلتان دا بار ادامدارعا بارلاۋ جۇرگىزۋ جانە قۇتقارۋ جۇمىستارىن جۇرگىزۋ ءۇشىن گاز-تۇتىننەن قورعاۋ قىزمەتىنىڭ بۋىنى قۇرىلدى.
ۇلكەن قاۋىپكە قاراماستان، ابدۋكاريموۆ نۇرسۇلتان جوعارى تەمپەراتۋرا مەن ەش كورىنىسى جوق جاعدايىندا ارەكەت ەتە وتىرىپ، گاز-تۇتىننەن قورعاۋ قىزمەتى بۋىنىنىڭ قۇرامىندا قالعان ادامداردى ىزدەۋ ءۇشىن تۇرعىن ۇيگە كىردى.
زارداپ شەككەندەردى ىزدەۋ جۇمىستارىن جۇرگىزۋدى، توبەنىڭ وپىرىلىپ قۇلاۋى قيىنداتتى.
وسىنىڭ بارىنە قاراماستان، ازاماتتىق قورعاۋ كىشى سەرجانتى، ابدىكارىموۆ ادامداردى ىزدەۋدى جالعاستىردى. كەنەتتەن اياق استىنان ءبىر قوزعالىس سەزىپ، نۇرسۇلتان گاز تۇتىننەن قورعاۋ بۋىنى قۇرامىندا جانىپ جاتقان جانە تۇتىندەلگەن ءۇي-جايدان زارداپ شەككەن ادامدى شۇعىل ەۆاكۋاسيالاۋدى باستادى.
وسىلايشا، ابدۋكاريموۆ نۇرسۇلتان جۇماباي ۇلىنىڭ ەرلىگى، باتىلدىعى مەن دۇرىس ىس-ارەكەتىنىڭ ارقاسىندا 1992 جىلى تۋعان ە. ازامات قۇتقارىلدى، سونداي-اق ءورتتىڭ ودان ءارى تارالۋىنا جول بەرىلگەن جوق، ءورتتى تەز 30 مينۋت ىشىندە وقشاۋلانىپ، جويىلدى. قازاقستان رەسپۋبليكاسى پرەزيدەنتىنىڭ 2021 جىلعى 2 جەلتوقسانداعى جارلىعىمەن كورسەتكەن ەرلىگى ءۇشىن جانە قازاقستان رەسپۋبليكاسى تاۋەلسىزدىگىنىڭ 30 جىلدىعىن مەرەكەلەۋگە بايلانىستى ابدۋكاريموۆ نۇرسۇلتان قازاقستان رەسپۋبليكاسىنىڭ قۇرمەت گراموتاسىمەن ماراپاتتالدى.