شوقان ءۋاليحانوۆ اتىنداعى مەكتەپتىڭ وقۋشىلارى ەكوبەلسەندىلەرمەن بىرگە «سوسنوۆىي بور» ساياباعىنىڭ اۋماعىنا ءۇش مىڭعا جۋىق قۇرعاقشىلىققا ءتوزىمدى قاراعاش كوشەتتەرىن وتىرعىزدى، دەپ حابارلايدى aqshamnews.kz
بۇل باستاما ساياباق پەريمەترىندە جاسىل قورشاۋ جاساۋ ماقساتىندا جۇزەگە اسىرىلدى.
ءار سىنىپتىڭ ۇل-قىزدارى بۇل ەكولوگيالىق باستامانى ۇلكەن قىزىعۋشىلىقپەن قابىلداپ، اشىق اسپان استىنداعى شاراعا قۋانا قاتىستى. ايتا كەتەيىك، بۇل اعاشتاردى بالالار وزدەرى وسىرگەن: كوكتەمدە تۇقىمىن وتىرعىزىپ، جاز بويى باپتاپ، ەندى ولاردى تۇراقتى ورنى قاراعاي توعايىنا كوشىردى.
– سوڭعى ۋاقىتتا ءبىز وسىنداي اكسيالارعا وقۋشىلاردى ءجيى تارتۋعا تىرىسىپ ءجۇرمىز. بۇل جاس ۇرپاقتىڭ بويىندا تۋعان قالاعا دەگەن سۇيىسپەنشىلىكتى، تابيعاتقا دەگەن قۇرمەتتى قالىپتاستىرۋعا كومەكتەسەدى. سونداي-اق، بالالار مەكتەپ جاسىنان باستاپ قالانىڭ قوعامدىق ومىرىنە اتسالىسۋدىڭ ماڭىزىن تۇسىنەدى، – دەپ اتاپ ءوتتى ەكوبەلسەندى، الماتى قالالىق ءماسليحاتىنىڭ دەپۋتاتى تيمۋر ەلەۋسىزوۆ.
ونىڭ ايتۋىنشا، بۇل اكسيا ەكولوگيالىق كلۋب ەرىكتىلەرى ءبىر جىل بويى جۇزەگە اسىرىپ كەلە جاتقان ۇلكەن جوبانىڭ ءبىر بولىگى بولىپ تابىلادى. ساياباق نەگىزىن قالاۋشىلاردىڭ پىكىرىنشە، بولاشاقتا بۇل قاراعاي توعايى«الماتىلىق ۆەرسال» اتانۋى ابدەن مۇمكىن.
اكسيا سوڭىندا ءاربىر وقۋشىعا «سوسنوۆىي بور» ساياباعى مەن پيتومنيكتىڭ دامۋىنا قوسقان جەكە ۇلەسىن راستايتىن سەرتيفيكات تابىستالدى.