الماتىلىق وقۋشىلار پرەزيدەنتتىڭ ارحيۆىندە جۇمىس ىستەپ كوردى

بۇگىن الماتىلىق بالالار قازاقستان رەسپۋبليكاسى پرەزيدەنتى ارحيۆىندە جۇمىس ىستەپ كوردى.

مەكتەپ وقۋشىلارىنا قۇجاتتاردىڭ قالاي ساقتالاتىنى، وڭدەلەتىنى، قايتا قالىپىنا كەلتىرۋ جانە سيرفرلاندىرۋ جۇمىستارىن كورسەتتى، دەپ حابارلايدى Almaty-akshamy.kz 24.kz-كە سىلتەمە جاساپ. 

بالالار جىلىنا وراي ۇيىمداستىرىلعان «بولاشاق ءارحيۆشى» ءىس-شاراسى اياسىندا شەبەرلىك ساباقتارىنا قاتىستى. قۇجاتتاردى ىرىكتەپ، جانرى مەن جىلىنا قاراي جىكتەۋدى ۇيرەندى. ەرەسەك بالالار ەسكى قۇجاتتاردى قالپىنا كەلتىرىپ، ارنايى سوزدەر مەن ساندار ارقىلى قاجەتتى دەرەكتەردى تابۋدى ۇيرەندى. ارحيۆشىلەردىڭ ايتۋىنشا، ءقازىر بۇل سالاعا جاستار قىزىعۋشىلىق تانىتپايدى. سوندىقتان دا مۇراعاتتى ىشكى قىرىنان كورسەتىپ، ىنتالاندىرۋدى ماقسات ەتكەن.

«ارحيۆ دەگەنىمىز – ول تاريحتىڭ ساقتاۋشىسى عوي. بالالار نەگىزى مەكتەپتە تاريح ساباعىن وقيدى. ول تاريح قالاي جازىلادى، بۇل تاريح ارحيۆتىك قۇجاتتاردىڭ نەگىزىندە جازىلادى عوي. سونى ءبىز كورسەتۋىمىز كەرەك، بولاشاقتا كەيبىر وقۋشىلار ءارحيۆشى بولاتىن شىعار»، - دەيدى ق ر پرەزيدەنتىنىڭ ءارحيۆى وقۋ ادىستەمەلىك ورتالىعىنىڭ ساراپشىسى بوتاگوز بەيسەنبەك قىزى.