الماتىلىق وقۋشىلار روبوتوتەحنيكا بويىنشا تاعى دا ۇزدىك ناتيجە كورسەتتى. FIRST Tech Challenge روبوتوتەحنيكا بويىنشا اشىق ويىندار يندونەزيانىڭ دەپوك قالاسىندا ءوتتى. جارىسقا 5 ەلدەن 30 كوماندا قاتىستى. چەمپيوناتقا قازاقستاننىڭ نامىسىن قورعاۋعا الماتى قالاسىنان «124» كومانداسى اتتانعان بولاتىن.
9-11 سىنىپ وقۋشىلارىنان قۇرىلعان «124» كومانداسىنىڭ قۇرامىندا: الديار ءجۇمادىل، يلياس اۋەزحان، ءالىمجان رايەۆ، گاۋھار جاناس، لاۋرا توقتاعالي – №124 جببم، ايحانىم شامشادين، اراي ەرجان قىزى، ءالراحات ۇمىتحان، مەراس مەدعات – №81 مەكتەپ-گيمنازيا، توميريس وڭعاربەك – №206 مەكتەپ-گيمنازيا، اسەل ۇمبەت – №178 ليسەي، ميرا دەمەۋعالييەۆا – №200 مەكتەپ-گيمنازياسىنىڭ وقۋشىلارى بار.
الماتىلىق وقۋشىلار وڭتۇستىك-شىعىس ازيا ەلدەرىنەن كەلگەن 150 جاس روبوتوتەحنيكا جاساۋشىلارمەن بىرگە بىرنەشە كۇن بويى ءوز جۇمىستارىمەن باسەكەگە ءتۇستى. ناتيجەسىندە ەل قۇراماسىنىڭ قورجىنى 7 جۇلدەمەن تولىقتى. سونىڭ ىشىندە الماتىلىق وقۋشىلار تومەندەگىدەي ناتيجەگە يە بولدى.
«124» كومانداسى:
1 ورىن - Control award؛
3 ورىن - Think Award؛
3 ورىن - Connect Award.
ەسكە سالايىق، يندونەزيادا وتكەن چەمپيوناتقا جولدامانى قازاقستاننان بارعان وقۋشىلار 2023 جىلدىڭ جەلتوقسان ايىندا وقۋ-اعارتۋ مينيسترلىگىنىڭ جانە الماتى قالاسى اكىمدىگىنىڭ قولداۋىمەن USTEM Foundation قوعامدىق قورى ۇيىمداستىرعان Almaty Tech Cup رەسپۋبليكالىق تۋرنيرىندە جەڭىپ العان بولاتىن.
