Almaty Theatre عيماراتىندا 8-13 قاڭتار ارالىعىندا رەسپۋبليكالىق فيزيكا-ماتەماتيكا مەكتەبىنىڭ (رفمم) بازاسىندا وتكىزىلگەن ماتەماتيكا، فيزيكا جانە ينفورماتيكا پاندەرى بويىنشا حح حالىقارالىق جاۋتىكوۆ وليمپياداسىنىڭ سالتاناتتى جابىلۋى ءوتتى. جىل سايىنعى ءداستۇرلى وليمپياداعا بيىل قازاقستان، ءازىربايجان، ارمەنيا، بەلارۋس، رەسەي، قىرعىزستان، وزبەكستان، بولگاريا، تاجىكستان، موڭعوليا، گرۋزيا، سەربيا، ءۇندىستان جانە رۋمىنيا سىندى 16 ەلدەن 85 كوماندا، 700-گە جۋىق وقۋشى قاتىستى.
وليمپياداعا قاتىسۋشىلاردى قازاقستان رەسپۋبليكاسىنىڭ وقۋ-اعارتۋ ءمينيسترى عاني بەيسەمبايەۆ، «رفمم» كەاق ديرەكتوروار كەڭەسىنىڭ ءتوراعاسى بەرىك قانييەۆ جانە الماتى قالاسى اكىمىنىڭ ورىنباسارى اسەم ءنۇسىپوۆا قۇتتىقتادى، دەپ حابارلايدى اlmaty-akshamy.kz.
وليمپيادانىڭ ەرەكشەلىگى — الەمنىڭ مامانداندىرىلعان فيزيكا-ماتەماتيكا مەكتەپتەرى اراسىندا بىردەن ءۇش ءپان بويىنشا وتكىزىلۋى. وسى جىلى ءۇش جىلدىق ونلاين فورماتتان، وليمپيادا قايتا وفلاين فورماتتا ۇيىمداستىرىلدى. 2005 جىلى العاش رەت وتكىزىلگەن كەزدە 5 مەملەكەتتەن 189 وقۋشى قاتىسقان ەدى.
بيىل وليمپياداعا قازاقستان، ءازىربايجان، ارمەنيا، بەلارۋس، رەسەي، قىرعىزستان، وزبەكستان، بولگاريا، تاجىكستان، موڭعوليا، گرۋزيا، سەربيا، ءۇندىستان جانە رۋمىنيانى قوسقاندا، الەمنىڭ 16 ەلىنەن 700-گە جۋىق قاتىسۋشى، 85 كوماندا قاتىستى.
گران-پري، I، II جانە III ورىنداردى جەڭىپ العان كوماندانىڭ بارلىق مۇشەلەرى مەدالدارمەن، ديپلومدارمەن جانە باعالى سىيلىقتارمەن ماراپاتتالدى.
ۇزدىك ناتيجە كورسەتكەن قاتىسۋشىلار نۇرلان قاپپاروۆ اتىنداعى قوردان ماتەماتيكا پانىنەن نۇرلان قاپپاروۆ اتىنداعى سىيلىقتى، فيزيكا پانىنەن ادىلەت يمامبەكوۆ اتىنداعى سىيلىقتى جانە ينفورماتيكا پانىنەن يليا سەگالوۆيچ اتىنداعى سىيلىقتاردى الدى.
ماتەماتيكا، فيزيكا جانە ينفورماتيكا پاندەرى بويىنشا 344 قاتىسۋشى جەڭىمپاز اتاندى. «ۇزدىك وليمپيادالىق مەكتەپ» نوميناسياسى بويىنشا گران-پري سانكت-پەتەربۋرگ قالاسىنان
№239 پرەزيدەنتتىك فيزيكا-ماتەماتيكا ليسەيىنىڭ كومانداسىنا بەرىلدى.
ءبىرىنشى ورىن ماسكەۋ قالاسىنان كەلگەن ۆ.ف. وۆچيننيكوۆا اتىنداعى «ەكىنشى مەكتەپ» كومانداسى يەلەندى، ەكىنشى ورىن تبيليسي قالاسىنان ل.ۆ. كوماروۆ اتىنداعى № 199 ماتەماتيكا جانە فيزيكا ارنايى مەكتەبىنىڭ جانە دولگوپرۋدنىي قالاسىنان پ.ل.كاپيسا اتىنداعى «فيزتەح-ليسەيى» كوماندالارى ءبولىستى، ءۇشىنشى ورىنعا مينسك ق. بگۋ ليسەيى، سوفيا ق. Sofia High School of Mathematics، دولگوپرۋدنىي قالاسىنان پ.ل.كاپيسا اتىنداعى «فيزتەح-ليسەيى» جانە الماتى قالاسىنان رفمم يەلەندى.
قازاقستاندىق وقۋشىلار 109 مەدال جەڭىپ الدى — 10 التىن، 43 كۇمىس جانە 56 قولا.
گران-پريدى جەڭىپ العان كوماندانىڭ بارلىق مۇشەلەرىنە كۋبوك پەن نوۋتبۋكتەر تابىستالدى. بارلىق جۇلدەگەرلەر ديپلومدارمەن جانە باعالى سىيلىقتارمەن ماراپاتتالدى.