2024 جىلعى 11 تامىزدا پاريجدە XXXIII جازعى وليمپيادا ويىندارى مارەسىنە جەتتى. الماتى سپورتشىلارى قازاقستاننىڭ نامىسىن ابىرويمەن قورعاپ، بىرنەشە مەدال جەڭىپ الىپ، ەلدىڭ سپورتتىق بەدەلىن حالىقارالىق ارەنادا نىعايتتى.
20 تامىز كۇنى الماتى قالاسى اكىمدىگىندە وليمپيادا جۇلدەگەرلەرىمەن سالتاناتتى كەزدەسۋ ءوتتى. ءىس-شارا اياسىندا سپورتشىلارعا اقشالاي سەرتيفيكات، اۆتوكولىكتەردىڭ كىلتى جانە تۇرعىن ءۇي الۋ سەرتيفيكاتى تابىستالدى. اقشالاي سىياقىلار مەن اۆتوكولىكتەر الماتى قالاسى اكىمدىگى تاراپىنان ءدال سول كۇنى بەرىلدى.
ال تۇرعىن ۇيگە قاتىستى سەرتيفيكات — اتاقتى سپورتشىلاردى باسپانامەن قامتاماسىز ەتۋ تەتىگىنىڭ العاشقى كەزەڭى. سەرتيفيكاتتار تابىستالعان سوڭ، تۇرعىن ءۇيدى ساتىپ الۋ ءراسىمى باستالدى. بۇل ۇدەرىس ارنايى بيۋدجەت قالىپتاستىرۋدى جانە بارلىق مەملەكەتتىك ساتىپ الۋ ءراسىمىن — بايقاۋ جاريالاۋدان باستاپ كەلىسىمشارتقا دەيىن قامتيدى. اتالعان راسىمدەر زاڭناماعا ساي قاتاڭ تارتىپپەن جۇزەگە اسادى جانە بەلگىلى ءبىر ۋاقىتتى قاجەت ەتەدى.
2025 جىلى 9 قاڭتاردا بارلىق زاڭدىق جانە ساتىپ الۋ ءراسىم تولىق اياقتالدى. سپورتشىلارعا جايلى جاعداي جاساۋ ماقساتىندا پاتەرلەرگە تازا ارلەۋ جۇمىستارىمەن جوندەۋ جۇرگىزىلدى.
بۇگىنگى تاڭدا بارلىق پاتەردە جوندەۋ جۇمىستارى اياقتالدى. الماتى قالاسى سپورت باسقارماسىنىڭ قىزمەتكەرلەرى ءاربىر جۇلدەگەرمەن بايلانىستا بولىپ، كىلت تابىستاۋ كۇنىن جەكە-جەكە كەلىسىپ جاتىر (وليمپيادا چەمپيونى نازىم قىزايبايدىڭ ايتۋىنشا، سپورت باسقارماسىنىڭ قىزمەتكەرلەرى ۇنەمى بايلانىستا ەكەنىن جانە كىلتتى تاپسىرۋعا دايىن ەكەنىن حابارلاعان). پاتەر كىلتى الماتى قالاسى اكىمىنىڭ سپورتتى قاداعالايتىن ورىنباسارى شاحانوۆ ب.م. تاراپىنان سالتاناتتى تۇردە تابىستالادى.
الماتى قالاسىنىڭ سپورت باسقارماسى