الماتى قالاسىنداعى حيميا-بيولوگيالىق باعىتىنداعى NIS مۇعالىمدەرى شولپان ابىشيەۆا مەن ايجان ومارحانوۆا Pro.NRG 2023 جاھاندىق فەستيۆالىنىڭ «Science on Stage Kazakhstan» ۇلتتىق ىرىكتەۋ ءتۋرنيرىنىڭ جەڭىمپازدارى اتاندى.
Pro.NRG-2023 پەداگوگتار مەن عالىمدار ءۇشىن ءداستۇرلى حالىقارالىق عىلىمي فورۋم رەتىندە تانىلعان. بيىل بەدەلدى فەستيۆال «STEMء-بىلىم بەرۋدىڭ تۇراقتى دامۋى» تاقىرىبىندا ءوتتى، دەپ حابارلايدى Almaty-akshamy.kz Egemen.kz-كە سىلتەمە جاساپ.
ەۋروپانىڭ جاراتىلىس سالاسىنداعى تاجىريبەلى پروفەسسورلارى مايكل گرەگوري (فرانسيا)، گوردون كەننەدي (يتاليا)، ناسكو ستامەنوۆ (بولگاريا)، پول لاندماننان (يسپانيا) تورەلىك ەتكەن بايقاۋدا ەلىمىزدىڭ تۇكپىر-تۇكپىرىنەن كەلگەن 50 ۇزدىك قازاقستاندىق جوبا تالقىعا ءتۇستى. ناتيجەسىندە ساراپشىلار جەتى جوبانى تاڭدادى. جەڭىمپاز ۇستازدار كەلەسى جىلدىڭ جازىندا فينليانديادا وتەتىن 13ء-شى ەۋروپالىق «Science on Stage-2024 فەستيۆالىندە» رەسپۋبليكانىڭ ابىرويىن قورعايتىن بولادى.
«Science on Stage» فەستيۆالىنە ەۋروپانىڭ 30-دان استام ەلىنەن ۇلتتىق بايقاۋلاردىڭ جەڭىمپازدارى قاتىسادى. كاسىبي الاڭدا الەمنىڭ تۇكپىر-تۇكپىرىنەن باراتىن 500-گە جۋىق مەكتەپ مۇعالىمدەرى ستەندتەردە، سەمينارلاردا جانە سەسسيالاردا وزدەرىنىڭ ەڭ كرەاتيۆتى STEM يدەيالارىمەن بولىسەتىن بولادى.