الماتىدا قوعامدىق ورىنداردا تۇكىرگەن 100-دەن استام ادامعا ايىپپۇل سالىندى
الماتىدا پوليسەيلەر قوعامدىق ورىنداردى لاستاۋ دەرەكتەرىن انىقتاۋ جانە جولىن كەسۋ ماقساتىندا رەيد جۇرگىزىپ جاتىر. ءىس-شارانىڭ ماقساتى – ازاماتتاردىڭ قالانىڭ ەستەتيكالىق كەلبەتىنە اسەر ەتەتىن جالپى قابىلدانعان ىس-ارەكەت نورمالارىن ساقتاۋعا ۇگىتتەۋ، دەپ حابارلايدى Almaty-akshamy.kz Polisia.kz-كە سىلتەمە جاساپ.
«15-22 قىركۇيەك ارالىعىندا قوعامدىق ورىنداردى لاستاۋدىڭ 234 دەرەگى انىقتالدى. 103 جاعدايدا تۇكىرگەن ازاماتتارعا ايىپپۇل سالىندى. وسى دەرەكتەر بويىنشا قۇقىق بۇزۋشىلار ق ر اقبتك-نىڭ 434-2-بابىنا سايكەس اكىمشىلىك جاۋاپكەرشىلىككە تارتىلدى. ايىپپۇل سوماسى 1 ملن 770 مىڭ تەڭگەنى قۇرادى. جالپى، جىل باسىنان بەرى قوعامدىق ورىنداردى لاستاعانى ءۇشىن جالپى سوماسى 84 ملن 559 مىڭ 500 تەڭگەگە 4902 ادام اكىمشىلىك جاۋاپكەرشىلىككە تارتىلدى»، – دەدى الماتى قالالىق پد جەرگىلىكتى پوليسيا قىزمەتى باسقارماسىنىڭ باسشىسى ەرجان ۇزابايەۆ.