الماتىلىقتاردىڭ سالىقتىق قارىزى 5 ملرد تەڭگەگە جۋىقتاپتى.
بۇل تۋرالى قالالىق مەملەكەتتىك كىرىستەر دەپارتامەنتىنىڭ باسپا ءسوز قىزمەتى ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
مەگاپوليستە اۆتوكولىك قۇرالدارى بويىنشا سالىق بەرەشەگىن ءوندىرىپ الۋ ماقساتىندا قالالىق پوليسيا دەپارتامەنتىمەن جانە جەكە سوت ورىنداۋشىلارىنىڭ وڭىرلىك پالاتاسىمەن بىرلەسىپ «بورىشكەر» جەدەل-الدىن الۋ ءىس-شاراسى وتكىزىلۋدە.
جەكە سوت ورىنداۋشىلارىنىڭ قاۋلىسى بار بورىشكەرلەردىڭ اۆتوموبيلدەرى «سەرگەك» كامەرالارىنىڭ كومەگىمەن انىقتالادى جانە بەرەشەك تولىق وتەلگەنگە دەيىن ايىپپۇل تۇراعىنا قويىلادى.
«بۇگىنگى تاڭدا كولىك قۇرالدارىنا سالىناتىن سالىق بويىنشا بەرەشەك 4،9 ملرد تەڭگەدەن استى. بەرەشەكتىڭ نەگىزگى بولىگى قوزعالتقىشتىڭ ۇلكەن كولەمى 4000 تەكشە سم-دەن اساتىن اۆتوكولىكتەرگە تيەسىلى. ءبىر اپتا ىشىندە جيىرمادان استام كولىك، سونىڭ ىشىندە «Porshe cayenne»، «Toyota Land Cruiser»، «Mercedes-Benz E» كلاستى كولىكتەر ايىپپۇل تۇراعىنا جەكىزىلدى»،- دەپ اتاپ ءوتتى قالالىق مەملەكەتتىك كىرىستەر دەپارتامەنتىنىڭ باسپا ءسوز قىزمەتىنەن.
دەپارتامەنت وكىلدەرى اۆتوكولىك يەلەرىن ايىپپۇل تۇراعىنا قاماۋدى جانە سوت ورىنداۋشىلارىنىڭ قىزمەتتەرىنە اقى تولەۋ بويىنشا جايسىز جاعدايلاردى بولدىرماۋ ءۇشىن جاقىن ارادا سالىق بەرەشەگىن وتەۋگە شاقىرادى.
سالىق بەرەشەگىن مكك «ە-Salyq-Azamat» ءموبيلدى قوسىمشاسىنىڭ كومەگىمەن جانە ءوز بەتىنشە www.kgd.kz ينتەرنەت-رەسۋرستا، سونداي-اق ەكىنشى دەڭگەيدەگى بانكتەردىڭ ءموبيلدى قوسىمشاسىندا تەكسەرۋگە بولادى.