الماتىلىق حيرۋرگ جەتىسۋ وبلىسىنىڭ بالالارىنا تەگىن وتا جاسادى

كۇردەلى وتالاردى جاساي وتىرىپ، پروفەسسور جەرگىلىكتى دارىگەرلەرمەن كوپ جىلدىق تاجىريبەسىمەن ءبولىستى. 

مەديسينا عىلىمدارىنىڭ دوكتورى، 38 جىلدىق تاجىريبەسى بار نۇرلان ارىن بالالارعا كۇردەلى وپەراسيالاردى تەگىن جۇرگىزۋ ءۇشىن تالدىقورعان قالاسىنا كەلدى، دەپ حابارلايدى Almaty-akshamy.kz Baq.kz سىلتەمە جاساپ.

بالالار اۋرۋحاناسىندا ول «وكپە جانە باۋىر ەحينوكوككوزى، كولوستوما، توق ىشەك اناستوموزى»دياگنوزىمەن جاتقان 7 جاستان 16 جاسقا دەيىنگى بالالارعا ءساتتى وتا جاسادى.

«قۇرمەتتى جەرلەستەر، جەتىسۋلىقتار! مەن ءوز جەرىمدە بولعانىما وتە قۋانىشتىمىن. مۇندا ءبىرىنشى رەت جانە سوڭعى رەت وپەراسيا جاساۋعا كەلىپ تۇرعانىم جوق. وسى جىلدىڭ بالالار جىلى رەتىندە جاريالانعانىن ەسكەرە وتىرىپ، ءبىز بالالارعا قايىرىمدىلىق وپەراسيالارىن جۇرگىزۋدى ۇيعاردىق. ءبارى ءساتتى وتەدى دەپ سەنەمىن. ءبىزدىڭ بالالارىمىز اۋىرماسىن، دەنى ساۋ بولسىن»، - دەدى نۇرلان ارىن.

ۇيىمداستىرۋشىلاردىڭ مالىمەتىنشە، بالالار جىلى اياسىندا جەتىسۋ وبلىسىنىڭ بالالارىنا كونسۋلتاتيۆتىك-دياگنوستيكالىق جانە حيرۋرگيالىق مەديسينالىق كومەك كورسەتىلەدى.

ەستەرىڭىزگە سالا كەتەيىك، پروفەسسور نۇرلان ارىنوۆ «تۋعان ەلگە تاعزىم» اياسىندا وبلىستىڭ مەديسينالىق مەكەمەلەرىندە شەبەرلىك ساباعىن وتكىزەدى. وسى ۋاقىتقا دەيىن نۇرلان مۇحتار ۇلى 25 مىڭنان استام وپەراسيا جاساعان. ونىڭ ىشىندە 1،5 مىڭنان استامى - قايىرىمدىلىق وپەراسيالارى. دارىگەر - سونىمەن قاتار 300 عىلىمي ماقالا مەن 7 مونوگرافيانىڭ اۆتورى.

ايتا كەتۋ كەرەك، بالالاردىڭ وتا الدىنداعى دايىندىعى ءبىر اپتا بۇرىن باستالدى.