الماتى ورتالىق قالالىق كلينيكالىق اۋرۋحاناسىنىڭ حيرۋرگى فارابي ستامكۋلوۆ "ۇشەۋى ءبىر ۋاقىتتا" كولەمدى كۇردەلى وتاسىن جاسادى.
ناۋقاس 10 اي بۇرىن، 2024 جىلدىڭ مامىرىندا پەريتونيت كلينيكاسىمەن اۋرۋحانانىڭ قابىلداۋ بولىمىنە شۇعىل تۇردە جەتكىزىلگەن، دەپ حابارلايدى aqshamnews.kz.
اۋرۋحاناعا تۇسكەن ۋاقىتتا ناۋقاستىڭ جاعدايى وتە اۋىر بولعان، كوپتەگەن ورگاننىڭ جەتكىلىكسىزدىگى مەن سەپتيكالىق شوك سالدارىنان تۇراقسىز گەموديناميكا ورىن العان.
قۋىس اعزا پەرفوراسياسى. پەريتونيت» دياگنوزىمەن ناۋقاس شۇعىل تۇردە وتا بولىمىنە الىندى.
وتا كەزىندە ناۋقاستا نەكروز جانە پەرفوراسيا، جارىلعان ءناجىستى پەريتونيت جانە ءىش سەپسيسىمەن اسقىنعان ىدىراۋ ساتىسىنداعى سيگما ءتارىزدى ىشەك قاتەرلى ىسىگى انىقتالدى.ناۋقاستىڭ اۋىر حالدە، ءولىم اۋزىندا بولدى. فارابي ستامكۋلوۆ دەسەندوستومانى (توق ىشەكتىڭ تومەندەگەن ءبولىمى) جويۋمەن ىسىك رەزەكسياسىن جاسادى. بۇدان كەيىن ناۋقاس امبۋلاتوريالىق ەمدەۋگە جىبەرىلدى. 10 ايدان كەيىن ول حيرۋرگ فارابي ستامكۋلوۆقا دەسەندوستومانى جابۋ ءۇشىن جۇگىندى. بۇعان دەيىن جارىلعان ءناجىستى پەريتونيت پەن ءىشتىڭ سەپسيسىن ەسكەرە وتىرىپ، ناۋقاستا كولەمدى جابىسپا پروسەسىنىڭ ورىن الۋى بولجانعان ەدى. سونىمەن قاتار ونىڭ الدىڭعى ءىش قابىرعاسىندا جاسالعان وتادان كەيىن ۇلكەن جارىق بولدى. حيرۋرگتىڭ ايتۋىنشا، بۇل سالدار ناۋقاستىڭ وتادان كەيىنگى كەزەڭدە ۇسىنىستى دۇرىس ورىنداماۋىنان نەمەسە ساقتاماۋىنان تۋىنداۋى مۇمكىن (ول ۇنەمى تاڭعىش كيىپ جۇرمەگەن نەمەسە فيزيكالىق بەلسەندىكتى شەكتەمەگەن)، ناۋقاس مۇنى تەرىسكە شىعارعان دا جوق. رەكونسترۋكتيۆتى ارالاسۋ شەڭبەرىندە ناۋقاسقا لاپاروتوميا، ەنتەروليز (جابىسپانى ءبولۋ)، "ۇشى ۇشىنا" دەسەندو-رەكتواناستوموزدى قولدانۋ ارقىلى دەسەندوستومانى جويۋ، سونداي-اق on-lay موديفيكاسياسىنداعى "ەتيكون" پرولەن تورىمەن بىرىكتىرىلگەن كەرىلمەيتىن اللوگەرنيوپلاستيكا ورىندالدى. ەنتەروليزدى جۇرگىزۋ 10 اي بۇرىن جارىلعان ءناجىس پەريتونيتى مەن ءىش سەپسيسىنەن كەيىن پايدا بولعان كولەمدى جابىسپادان اش جانە توق ىشەكتىڭ ىلمەكتەرىن بوساتۋ ءۇشىن قاجەت بولدى، - دەپ اتاپ ءوتتى فارابي ستامكۋلوۆ.
جابىسپا ىشەك وتىمسىزدىگىنە اكەلۋى مۇمكىن، بۇل ءوز كەزەگىندە وتادان كەيىنگى اسقىنۋدى تۋدىرۋى جانە ناۋقاستىڭ ومىرىنە ءقاۋىپ ءتوندىرۋى مۇمكىن ەدى. ناۋقاسقا ءبىر ۋاقىتتا ءۇش وتا جاسالدى: اناستوموزدى قولدانۋ ارقىلى ستومانى جويۋ، كولەمدى جابىسپا پروسەسىندە ەنتەروليز (شامامەن 4 ساعاتقا سوزىلاتىن وتا) جانە جارىقتى جويۋ ءۇشىن بىرىكتىرىلگەن كەرىلمەيتىن اللوگەرنيوپلاستيكا.
ارالاسۋ ساۋىتتى تىعىز جابىسپاعا بايلانىستى كۇردەلەنە ءتۇستى، بۇل وتانىڭ ۇزاقتىعىن ءىش قۋىسىندا 6 ساعاتتان استام جۇمىس ىستەۋگە دەيىن ۇزارتتى، - دەيدى فارابي ستامكۋلوۆ.