“الاتاۋ جارىق كومپانياسى” اق ۇجىمى 5 ماۋسىمدا وتەتىن جالپىحالىقتىق ساياسي شارانىڭ ماڭىزىن تالقىلادى.
جيىندا كومپانيا قىزمەتكەرلەرى پرەزيدەنت ۇسىنعان كونستيتۋسيالىق وزگەرىستەرگە وڭ باعاسىن بەردى، دەپ حابارلايدى Almaty-akshamy.kz
ەنەرگەتيكتەردىڭ ايتۋىنشا، جاڭا قازاقستاندى قۇرۋدا رەفورمالاردى جاڭارتۋ اسا ماڭىزدى، رەفەرەندۋم ەلدىڭ قوعامدىق-ساياسي ومىرىنە ەلەۋلى وزگەرىس، تىڭ سەرپىن اكەلەدى. ماماندار رەسپۋبليكادا حالىق مۇددەسىن قولدايتىن، كوپتىڭ ۇنىنە قۇلاق اساتىن، پرەزيدەنتتىك-پارلامەنتتىك باسقارۋ جۇيەسى، جۇرتقا ەسەپ بەرەتىن ۇكىمەتى بار جاڭا مەملەكەتتىك جۇيە قالىپتاسادى دەگەن ويدا.
«رەفەرەندۋم – دەموكراتياعا قادام باسۋدىڭ، جاڭا قازاقستاندى ورناتۋدىڭ توتە جولى. سونىمەن قاتار، تاۋەلسىز ەلدىڭ تۇعىرىن نىقتاپ، ەڭسەسىن تىكتەيتىن ازاماتتىق قوعامنىڭ ماڭىزدى قۇرالى. قۋاتتى مەملەكەتتىڭ قادامىن قارىشتى، باعىتىن باياندى ەتۋدىڭ باستى تەتىگى. كونستيتۋسيا – كەمەل كەلەشەك كەپىلى، مىزعىماس مەملەكەتتىڭ التىن قازىعى. باستى قۇجاتتىڭ باستى قۇندىلىعى -ادىلدىك، ءتارتىپ، بىرلىك، ەل تۇتاستىعى، ازاماتتاردىڭ ءال-اۋقاتىن جاقسارتۋ. ادىلەتتى قازاقستان قۇرۋ ءۇشىن اتا زاڭعا وزگەرىس ەنگىزۋ كەرەك. سوندا عانا تۇتاس حالىقتىڭ تاعدىرى شەشىلىپ، بولاشاعى بەرەكەلى، كەلەشەگى كوركەم بولماق. ءارى بۇل ەلىمىزدىڭ وركەنيەتتى مەملەكەتتەر قاتارىندا كوش باستاۋىنا مۇمكىندىك بەرەدى. سوندىقتان جالپىحالىقتىق رەفەرەندۋمعا ءبارىمىز اتسالىسۋىمىز، بەلسەندىلىك تانىتۋىمىز كەرەك».
الماتىلىق ەنەرگەتيكتەر بۇگىن رەفەرەندۋم تۋرالى وسىلاي وي قورىتتى.