اتاكەنتتە جاتاقحانا كەرەك پە؟
الماتى قالاسى ءماسليحاتىنىڭ دەپۋتاتى، جۋرناليست سەرگەي پونوماريەۆ «اتاكەنت» اۋماعىندا جاتاقحانا سالۋعا قارسى شىقتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«بۇل جەردە ەكى وليمپيادالىق ءجۇزۋ باسسەينى، جاتتىقتىرۋ جانە گيمناستيكالىق زالدار، ۆولەيبول الاڭدارى جانە تاعى باسقالارى بار. سونىمەن قاتار كەشەندە 120 ورىندىق قوعامدىق تاماقتانۋ جانە جەكە قىزمەت كورسەتەتىن سپورتتىق جاتاقحانا سالىنۋدا. بۇل نە بولادى؟ دەمالىس ساياباعىنىڭ ورتالىعىندا جاڭا سپورتتىق جاتاقحانا سالىنا ما؟ قالاعا قاجەت پە؟ ادامدار تاماقتانادى، قىزمەت كورسەتىلەدى، ياعني كولىك قاتىنايدى دەگەن ءسوز»، - دەپ جازادى دەپۋتات Facebook-تەگى پاراقشاسىندا.
سونداي-اق س.پونوماريەۆ اتاپ وتكەندەي، الماتىلىقتار سكۆەرلەر مەن ساياباقتاردا اعاشتىڭ كەسىلۋىن قاشاندا قارسىلىقپەن قابىلدايدى. ال بۇل جەردە رۇقساتپەن 14 قاراعاش پەن 4 قاراعاي كەسىلگەن. ونىڭ ورنىنا 140 جاپىراقتى جانە 40 قىلقان جاپىراقتى اعاش وتىرعىزىلماق.
«مەنىڭ ويىمشا، بۇل جاتاقحانانىڭ قۇرىلىسىنا جول بەرمەۋ كەرەك، جاقىن ماڭدا بايزاقوۆ كوشەسىنىڭ بويىندا ۇلكەن جاتاقحانا بار. اتاكەنتتە جاتاقحانا كەرەك پە؟»، - دەيدى ول.
قالانى جوسپارلاۋ جانە ۋربانيستيكا باسقارماسىنىڭ مالەمەتىنشە، تيميريازيەۆ كوشەسىندە ورنالاسقان جەر ۋچاسكەسى جەكەمەنشىك يەلىكتە.
«مەملەكەتتىك قىزمەت كورسەتۋ اياسىندا مەنشىك يەسى زاڭسىز سالىنعان عيماراتتاردى بۇزىپ، «دەلفين» دەنە شىنىقتىرۋ-ساۋىقتىرۋ كەشەنىن قايتا سالۋ بويىنشا جوبا الدىنداعى قۇجاتتامانى الدى. جوبا بويىنشا جابىق ءجۇزۋ باسسەينى، ەكى جابىق كوپسالالى زال، سپورتشىلارعا ارنالعان 30 ورىندىق جاتاقحانا سالۋ كوزدەلگەن. جۇمىستار بۇرىن يەلەنگەن جەردىڭ شەكاراسىندا جوسپارلانعان»، - دەپ حابارلادى باسقارمادان.