الماتى قالاسىنىڭ № 7 قالالىق كلينيكالىق اۋرۋحاناسىنىڭ نەيروحيرۋرگ دارىگەرلەرى 26 جاستاعى جاس جىگىتتىڭ ميىندا پايدا بولعان ىسىكتى الىپ تاستادى.
№7 قكا-نىڭ №4 نەيروحيرۋگيانىڭ بولىمشەسىنىڭ نەيروحيرۋرگى بەرىك يساتايەۆتىڭ ايتۋىنشا، پاسيەنت كلينيكاعا باسىنىڭ ءجيى اۋرۋى، اينالۋى، قان قىسىمنىڭ 200/100 دەيىن كوتەرىلۋى، جالپى السىزدىككە، كورۋ قابىلەتىنىڭ كۇرت تومەندەۋى شاعىمىمەن كەلدى. جينالعان انامنەزدەن سپورتتىق جاتتىعۋ جۇكتەمەلەرىنەن كەيىن جەلكە اۋماعىنىڭ قاتتى اۋرۋى پايدا بولاتىنى انىقتالدى.
باسقا جاسالعان مرت تەكسەرۋ بارىسىندا ميدىڭ شۇيدەلىك اۋماعىنىڭ سول جاق بولىگىندە قۋىستى انگيوما (ىسىك) انىقتالدى. نەيروحيرۋرگ دارىگەر جان-جاقتى تەكسەرىپ قاراعاننان كەيىن پاسيەنت ەمدەۋگە جاتقىزىلدى.
«شاعىن كولەمدى ىسىك شامامەن 3 سم تەرەڭدىكتە ورنالاسقاندىقتان، وعان ءدال جەتۋ ءۇشىن الدىن الا نەيروناۆيگاسيا جۇرگىزىلدى. بۇل وپەراسيا 6-8 ساعاتتا سوزىلاتىندىقتان، كۇردەلىلىك دارەجەسى 4-5 ەسەپتەلىنەدى. وپەراتور ءوز جۇمىسىن تولىق اياقتاماعانشا وپەراسيادان كەتە المايدى، ال اسسيستەنت پەن بريگادانىڭ باسقا دا مۇشەلەرى اۋىسۋى مۇمكىن» ، - دەپ ءتۇسىندىردى دارىگەر.
وپەراسيا كەزىندە نەگىزىنەن پاسيەنتتىڭ ويانۋ پروسەسىن رەتتەۋ ءۇشىن گاز ناركوزى پايدالانىلادى.
قازىرگى ۋاقىتتا جاس جىگىت وپەراسيادان كەيىن وڭالۋ كەزەڭىندە، ول ۇيلەسىمدى جۇمىسى ءۇشىن دارىگەرلەرگە العىس ايتادى.