36 جاستاعى الماتىلىق كەلىنشەك ءۇشىن بۇل كوپتەن كۇتكەن جۇكتىلىك. جۇكتىلىك كەزىندەگى العاشقى سكرينينگتە ايەلدە 5*10*4سم ولشەمدى سول جاق انالىق بەز جىلاۋىعى (كيستا) انىقتالدى. وكىنىشكە قاراي ەكىنشى تريمەستردە ول وسە ءتۇستى.
«ەكىنشى سكرينينگ كەزىندە جىلاۋىق ولشەمىنىڭ 5،3*11،05*4،0سم-گە دەيىن ءوسۋى الاڭداۋشىلىق تۋعىزىپ، جىلاۋىقتىڭ ىسىكتىك سيپاتىن جويۋ ءۇشىن ونكوگينەكولوگتىڭ كەڭەسى قاجەت بولدى. ءتۇزىلىمنىڭ وسۋىنە جانە جۇكتىلىككە ىقتيمال قاۋىپكە بايلانىستى ناۋقاس حيرۋرگيالىق ەمدەۋ ءۇشىن پورتال ارقىلى №8 قالالىق كلينيكالىق اۋرۋحاناعا جىبەرىلدى. مۇندا سول جاق انالىق بەزگە سيستەكتوميا جاساۋ ماقساتىندا لاپاروسكوپيالىق ارالاسۋ جاسالدى. وتا ءساتتى ءوتىپ، ناۋقاس گينەكولوگتىڭ باقىلاۋىندا بولۋ ۇسىنىسىمەن امان-ەسەن ۇيگە شىعارىلدى»، - دەيدى الماتى №8 قالالىق كلينيكالىق اۋرۋحاناسىنىڭ گينەكولوگيا بولىمشەسىنىڭ مەڭگەرۋشىسى دميتريي ساي.
وتادان كەيىن دارىگەرلەر كونسيليۋمى انا مەن ۇرىقتىڭ قاۋىپسىزدىگىن قامتاماسىز ەتۋ ءۇشىن جۇكتىلىكتى دارىگەرلەردىڭ ءجىتى باقىلاۋىندا جالعاستىرۋ تۋرالى شەشىم قابىلدادى.