الماتى قالالىق بالالار شۇعىل مەديسينالىق كومەك كورسەتۋ ورتالىعىنىڭ دارىگەرلەرى دەنساۋلىعىندا ءتۋابىتتى كىناراتى بار نارەستەگە وتا جاسادى.
سابيدە قۇرساقتا جاتقاندا قۇيىمشاق نەگىزىندە ءىسىك پايدا بولعان، دەپ حابارلايدى Almaty-akshamy.kz.
الماتى قالالىق دەنساۋىق ساقتاۋ باسقاماسى ءمالىم ەتكەندەي، پاتولوگيانىڭ بۇل ءتۇرى قاتەرسىز، ءبىراق ءسابي ءومىرىنىڭ العاشقى ايلارىندا قاتەرلى ىسىككە اينالۋ ءقاۋپى بولدى.
نارەستەنىڭ دۇنيەگە كەلگەنىنە نەبارى 12 كۇن، ول تۋعاننان كەيىن ەكىنشى كۇنى پەرزەنتحانادان اۋرۋحاناعا جەتكىزىلدى.
«بالا قۇيىمشاق نەگىزىندە ورنالاسقان سەگىزكوز-قۇيىمشاق تەراتوماسىمەن دۇنيەگە كەلدى. بۇل نەوناتالدى كەزەڭدەگى بالالاردا ءجيى كەزدەسەتىن ىسىك. ىسىكتىڭ ولشەمى 10 ح 8 سم، ارالاس ءپىشىندى. تۋعاننان كەيىنگى ءۇشىنشى كۇنى نارەستەگە وتا جاسالدى، ىسىك تولىعىمەن جويىلدى، بالانىڭ جاعدايى قاناعاتتانارلىق، ول ۇيگە شىعۋعا دايىندالىپ جاتىر»،- دەيدى ىرىڭدى-كەۋدە حيرۋرگياسى بولىمشەسىنىڭ مەڭگەرۋشىسى ساماتبەك مىرزاحمەت.
دارىگەردىڭ سوزىنشە، ورتالىقتا ايىنا 100-گە جۋىق جاڭا تۋعان نارەستەگە وتا جاسايدى.
«ءاربىر اتا-انا مۇنداي اۋرۋدىڭ سەبەبىن بىلگىسى كەلەدى، تۋا بىتكەن كەمىستىككە ىشكى جانە سىرتقى فاكتورلار، ەكولوگيا، كليمات، تۇقىم قۋالاۋشىلىق، جۇقپالى اۋرۋدىڭ بارلىق ءتۇرى اسەر ەتەدى. دامۋ كەمىستىگىنىڭ ايقىن سەبەپتەرىنىڭ ءبىرى جۇكتى كەزىندە ايەل ۆيرۋستىق ينفەكسيامەن اۋرعان»، - دەيدى دارىگەر.