الماتى قالاسىنىڭ № 7 قالالىق كلينيكالىق اۋرۋحاناسىندا نەيروحيرۋرگ- دارىگەرلەر 37 جاستاعى ايەلدىڭ اياعىنىڭ قوزعالىس قىزمەتىن قايتا قالپىنا كەلتىردى. ءساتتى جاسالعان وتادان كەيىن، الداعى ۋاقىتتا ول قايتادان جۇرە باستايدى.
ءبىر جىلدان استام ۋاقىت بۇرىن ايەل جول-كولىك اپاتىنا ۇشىرايدى، سول كەزدە كولىكتىڭ ورىندىقتارىنىڭ ورتاسىنا وڭ اياعى قىسىلىپ قالادى. اياعى قىسىلعان كۇيدە 2-3 ساعات وتىرىپ قالادى. اياعىن شىعارىپ العاننان كەيىن تاقىم شۇڭقىرىنىڭ، ساننىڭ جانە جىلىنشىك سيراقتىڭ تۇسىندا ۇلكەن سىدىرىلعان جارا پايدا بولادى. اياعى ۇيىپ، اياعى مەن بالتىرىنىڭ قيمىلى مۇلدەم جوعالىپ كەتتى. ول جۇرە دە، وتىرا دا المادى.
پاسيەنتتىڭ ايتۋىنشا، بۇرىن جۇرگىزىلگەن ەمدەۋ ءتيىستى ناتيجە بەرمەگەن، جاراقات اۋماعىندا ۇلكەن كەرىلگەن تىرتىق پايدا بولعان. اياعى ۇيىپ، ۇنەمى توڭىپ تۇراتىن بولدى. ايەل دەرتىنە ەم ىزدەپ «جەتىگە» كەلدى.
وتانى تاجىريبەلى نەيروحيرۋرگ-دارىگەر ءالىمحان حاليموۆ جاسادى. دارىگەردىڭ ونىڭ ايتۋىنشا، ايەلدى تەكسەرىپ-قاراۋ كەزىندە بايقاعانىم ناۋقاستا جىلىنشىك پەن اياقتىڭ بۇلشىق ەتتەرىنىڭ سال اۋرۋى باستالعان، اياقتىڭ يمپۋلسى مۇلدەم سەزىلمەدى. دارىگەرلەر مۇنى «ۇزاق قىسىلۋ سيندرومى» - دەپ اتايدى. دارىگەرلەر اياق-قولدىڭ قىزمەتىن قالپىنا كەلتىرۋ ءۇشىن ميكروحيرۋرگيالىق وپەراسيا جاساۋدى شەشتى.
نەيروحيرۋرگ –دارىگەرلەر تامىرلى- نەيروحيرۋرگ الەكساندر سمولكينمەن جانە انەستەزيولوگ-رەانيماتولوگ دارىگەر اقبوتا بەيبيتوۆامەن بىرلەسە، بۇل وتە كۇردەلى وتانى، كاسىبي تۇرعىدا وتە جوعارى دەڭگەيدە ءساتتى جاساپ شىعادى.
«مۇنداي ۇزاق قىسىلىپ قالعاننان كەيىن تەرىدە ۇلكەن سىدىرىلعان جارا پايدا بولاتىن جاعدايلار ءجيى كەزدەسەدى. كەيدە كۇتكەنىمىزدەي بارلىق فۋنكسيالاردى تولىق قالپىنا كەلتىرۋ مۇمكىن بولماي جاتادى. ءبىز كەرىلگەن تىرتىققا رەزەكسيا جاسادىق. بۇل وتانىڭ ەڭ قيىنى، اياق-قولدىڭ نەرۆتەرى مەن قان تامىرلارىن ميكروحيرۋرگيالىق قالپىنا كەلتىرۋ، ءبىز سوعان قول جەتكىزدىك»، - دەدى ءالىمحان حاليموۆ.
دارىگەردىڭ ايتۋىنشا، مۇنداي كۇردەلى وتادان كەيىن بىردەن عاجايىپ كۇتۋگە بولمايدى. ناۋقاستىڭ تولىق وڭالىپ كەتۋى ءۇشىن ءبىر جىلعا جۋىق ۋاقىت كەرەك. ءبىراق دارىگەرلەر ونىڭ تولىققاندى ومىرگە ورالاتىنىنا سەنىمدى. ايتپاقشى، دارىگەرلەر بۇل وتانى ءمامس قاراجاتى ەسەبىنەن جاساعانىن ايتتى، ويتكەنى ول 2 توپتاعى مۇگەدەك رەتىندە ساقتاندىرىلعان.
وتادان كەيىنگى كەزەڭدە، ايەل بىرتىندەپ اياق-قولىنىڭ جىلۋىن سەزەدى، تابانىندا «پىسكىلەۋ» پايدا بولدى. تىزە بۋىنىنىڭ قيمىلى تولىق كولەمدە قالپىنا كەلدى.
پاسيەنتكە وڭالتۋ ەمى ۇسىنىستارى بەرىلىپ، شىعارۋعا دايىنداپ جاتىر.