الماتىنىڭ №7 قالالىق كلينيكالىق اۋرۋحاناسى جانىنداعى ەمحانادا دارىگەر-فتيزياتر قاراكوز وتەمۇراتوۆا، ءسوس كابينەتىنىڭ مەيىربيكەسى اسىلاجار جانعازييەۆا جانە «بالانى دامىتۋ بولمەسىنىڭ» مەيىربيكەسى ءحاليدام يۋسۋپوۆا «مانتۋ سىناماسى»، «بسج ۆاكسيناسى» تاقىرىپتارىندا ءاقپاراتتىق-تۇسىندىرۋ جۇمىسىن جۇرگىزدى.
دارىگەرلەر مانتۋ سىناماسىنا سەزىكتەنە قاراماۋعا شاقىرادى. بۇل – دياگنوستيكالىق سىناما.
– مانتۋ رەاكسياسى – بۇل اعزانىڭ ارنايى زاتتى، تۋبەركۋليندى ەنگىزۋگە رەاكسياسىن باعالاۋ، ياعني بۇل تۋبەركۋلەزگە قارسى يممۋنيتەتتى جانە ونىڭ اۋىرلىق دارەجەسىن باعالاۋ ءادىسى. مانتۋ رەاكسياسى كەزىندە ادامعا تۋبەركۋلەزدى جۇقتىرۋ مۇمكىن ەمەس، تۋبەركۋلەزدە كوح تاياقشالارى جوق. سونداي-اق، بسج ۆاكسيناسى تۋرالى دا ايتا كەتسەك، بالاعا سالىنعان بسج ەكپەسىنەن كەيىنگى جاعىمسىز رەاكسيالار وتە سيرەك كەزدەسەدى (0،02%). مۇنداي جاعداي، ەڭ الدىمەن، بالانىڭ يممۋنيتەتى تومەندەگەن كەزدە كورىنىس بەرۋى مۇمكىن، – دەيدى №7 قالالىق كلينيكالىق اۋرۋحانا جانىنداعى ەمحانانىڭ فتيزياترى قاراكوز وتەمۇراتوۆا.
جاڭا تۋعان نارەستەلەرگە بسج ۆاكسيناسىن كەلەسى جاعدايلاردا جۇرگىزۋگە تىيىم سالىنادى: بوبەكتىڭ سالماعى ەكى كەلىدەن از نەمەسە 33 اپتا تولماي تۋعان بولسا؛ نارەستە جاتىرىشىلىك ينفەكسيامەن تۋعان جاعدايدا؛ اناسىنا ايتۆ ينفەكسياسى دياگنوزى قويىلسا؛ يممۋنيتەت تاپشىلىعى بايقالسا؛ ورتالىق جۇيكە جۇيەسى زاقىمدانسا.
وسى رەتتە پروفيلاكتيكالىق (الدىن الا) ەمدەۋ تۋرالى دا ايتا كەتسەك. تۋبەركۋلەزگە شالدىعۋ ءقاۋپى بار ادامدارعا (تۋبەركۋلەزبەن اۋىراتىن ناۋقاستارمەن قاتىناستا بولعان؛ مانتۋ جانە دياسكينتەست العاش رەت وڭ رەاكسيا بەرگەن بالالار مەن جاسوسپىرىمدەر) پرەپاراتتار قولدانىلادى، ياعني حيميالىق پروفيلاكتيكا جاسالادى. بۇل – ءقاۋىپتى اۋرۋمەن كۇرەسۋدىڭ ەڭ ءتيىمدى ادىستەرىنىڭ ءبىرى. تۋبەركۋلەزگە قارسى پرەپارات ساۋ ادامنىڭ اعزاسىنا تۇسكەن تۋبەركۋلەز ميكوباكتەريالارىنىڭ كوبەيۋىن تەجەيدى جانە اۋرۋ دامىمايدى.
ءيا، حيميوپروفيلاكتيكا – بۇل ەمدەۋ ەمەس، تۋبەركۋلەزدىڭ دامۋىنا قارسى قورعانىس. الدىن الۋ كۋرسى مساك مەديسينا قىزمەتكەرلەرىنىڭ باقىلاۋىمەن 3 ايدان 6 ايعا دەيىن سوزىلادى.