الماتىلىق ايەل ون ءتورتىنشى بالاسىن دۇنيەگە اكەلدى

44 جاستاعى ەلەنا بوروديۋك ەندى 7 ۇل مەن 7 قىزدىڭ اناسى

العىس ايتۋ كۇنى قارساڭىندا قالالىق پەريناتالدى ورتالىقتان ۇيىنە شىققان ەلەنا بوروديۋك - ءقازىر 7 ۇل، 7 قىزدىڭ اناسى. «بالالارىمنىڭ ءبارىن ەش قيىندىقسىز، ءوزىم دۇنيەگە اكەلدىم» دەگەن انا دارىگەرلەرگە العىسىن ءبىلدىردى، دەپ حابارلايدى Almaty-akshamy.kz Almaty.tv سايتىنا سىلتەمە جاساپ.

«قۇدايدىڭ بەرگەنىن قۋانا قابىلدايمىز، ارينە. سوندىقتان ۇلكەن وتباسى بولىپ وتىرمىز. ءقازىر تۇڭعىشىمنىڭ ءوزى اكە اتانۋعا دايىندالىپ ءجۇر. نە بولسا دا، باستىسى، باسىمىز امان بولسىن!» - دەيدى قالا تۇرعىنى ەلەنا بوروديۋك.

«ءبارىنىڭ ءساتتى بولعانى قۋانتادى. ۋايىمدادىق، ەكەۋىنىڭ دە دەنساۋلىعىنا الاڭدادىق. ون ءتورتىنشى بالام عوي. قۇدايدان «ەڭ باستىسى، دەنى ساۋ بالا بەر گور» دەپ سۇرادىق»، - دەيدى كوپ بالالى اكە پاۆەل بوروديۋك.

مامانداردىڭ ايتۋىنشا، ءسابي بويى 55 سم، ال سالماعى 4 كەلىدەن اسىپ دۇنيەگە كەلگەن. ءقازىر انانىڭ دا، بالانىڭ دا دەنساۋلىعى ءبىرقالىپتى.  

«جوعارعى توپتاعى قاۋىپ-قاتەردەگى قان كەتۋ بولعاندىقتان، بۇكىل ۇجىم بولىپ اتسالىسىپ، ون ءتورتىنشى بالاسىن، قىز بالاسىن امان-ەسەن دۇنيەگە الىپ كەلدى. سالماعى 4 كەلىدەن استام قىز بالا دۇنيەگە كەلدى»، - دەدى قالالىق پەريناتالدىق ورتالىعى باس ديرەكتورىنىڭ ورىنباسارى ءجاميلا يسايەۆا.