قىزمەت قۇنىنىڭ جالپى سوماسى 183 093 000 تەڭگە بولعان.
وڭىرلىك كوممۋنيكاسيالار قىزمەتىندە وتكەن بريفينگتە الماتى قالالىق ادىلەت دەپارتامەنتىنىڭ وكىلدەرى ادۆوكاتتاردىڭ كومەگىنە كىمدەردىڭ قۇقىعى بار ەكەنىن ايتتى، دەپ حابارلايدى Almaty-akshamy.kz
الماتى قالاسىنىڭ ادىلەت دەپارتامەنتى باسشىسىنىڭ ورىنباسارى بەرىكبول سامەنوۆ 2022 جىلى الماتى قالالىق ادۆوكاتتار القاسىنىڭ ادۆوكاتتارى مەملەكەت كەپىلدىك بەرگەن 14 589 ازاماتقا جالپى سوماسى 183 093 000 تەڭگەگە زاڭ كومەگىن كورسەتكەنىن ايتتى.
«قۇقىقتىق كەڭەس الۋ ءۇشىن قالا تۇرعىندارىنا الماتى قالالىق ادۆوكاتتار القاسىنا كەلۋ قاجەت. قازىرگى ۋاقىتتا الماتى قالاسى بويىنشا 15 زاڭ كونسۋلتاسياسى جۇمىس ىستەيدى، ولارعا مەملەكەت كەپىلدىك بەرگەن زاڭ كومەگىن الۋعا قۇقىعى بار ادامدار جۇگىنە الادى. زاڭ كونسۋلتاسيالارىنىڭ مەكەنجايلارىمەن الماتى قالاسى ادىلەت دەپارتامەنتىنىڭ رەسمي سايتى ارقىلى نەمەسە 119 جانە 1414 (قۇقىقتىق اقپاراتتىق قىزمەت) نومىرىنە قوڭىراۋ شالۋ ارقىلى بىلۋگە بولادى. سونىمەن قاتار، قۇقىقتىق اقپاراتتىق قىزمەت قازاقستان رەسپۋبليكاسىنىڭ بۇكىل اۋماعى بويىنشا تەلەفون بايلانىسى ارقىلى قۇقىقتىق كونسۋلتاسيانى جۇزەگە اسىرادى»، - دەپ حابارلادى ب.سامەنوۆ.
سونداي-اق ول ازاماتتارعا كەپىلدەندىرىلگەن مەملەكەتتىك كومەك پەن زاڭگەرلىك كومەك ادىلەت ورگاندارىنىڭ ماڭىزدى باعىتتارىنىڭ ءبىرى ەكەنىن ءتۇسىندىردى.
«اركىمنىڭ قورعانۋعا قۇقىعى بار ەكەنىن ءبارى بىلەدى. ءبىراق ەگەر ادامنىڭ ادۆوكات جالداۋعا مۇمكىندىگى بولماسا، وندا وعان بيۋدجەت ەسەبىنەن مەملەكەت كەپىلدىك بەرگەن زاڭ كومەگى كورسەتىلەتىنىن ءبارى بىلە بەرمەيدى. قازاقستان رەسپۋبليكاسىنىڭ كونستيتۋسياسى مەن زاڭدارىنا سايكەس اركiمنiڭ ازاماتتىق، اكiمشiلiك جانە قىلمىستىق سوت iسiن جۇرگiزۋ كەزiندە بiلiكتi زاڭ كومەگiن الۋعا قۇقىعى بار»، - ب.سامەنوۆ.
مەملەكەت كەپىلدىك بەرگەن زاڭ كومەگى مىناداي نىساندا كورسەتىلەدى: قۇقىقتىق كەڭەس بەرۋ، سوتتاردا، قىلمىستىق قۋدالاۋ ورگاندارىندا جەكە تۇلعالاردىڭ مۇددەلەرىن قورعاۋ جانە ءبىلدىرۋ جانە ت.ب.
مەملەكەت كەپىلدىك بەرگەن زاڭ كومەگىن ادۆوكاتتار، نوتاريۋستار جانە جەكە سوت ورىنداۋشىلارى اليمەنت، زەينەتاقى مەن جاردەماقى ءوندىرىپ الۋ، وڭالتۋ، بوسقىن نەمەسە كانداس مارتەبەسىن الۋ، اتا-اناسىنىڭ قامقورلىعىنسىز قالعان كامەلەتكە تولماعاندارعا، جىنىستىق زورلىق-زومبىلىق قۇرباندارىنا، ادام ساۋداسىنا، ەڭبەكپەن بايلانىستى دەنساۋلىعىنا كەلتىرىلگەن زياننىڭ نەمەسە قىلمىستىق قۇقىق بۇزۋشىلىقتىڭ سالدارىنان كەلتىرىلگەن زياندى وتەۋ ماسەلەلەرى بويىنشا تەگىن كورسەتەدى. ۇلى وتان سوعىسىنا قاتىسۋشىلارعا، سونداي-اق ۇلى وتان سوعىسىنا قاتىسۋشىلارعا جەڭىلدىكتەرگە تەڭەستىرىلگەن ادامدارعا، سونداي-اق باسقا مەملەكەتتەردىڭ اۋماعىنداعى سوعىس قيمىلدارىنا قاتىسۋشىلارعا، اسكەري قىزمەتشىلەرگە، ءبىرىنشى جانە ەكىنشى توپتاعى مۇگەدەكتەرگە، جاسى بويىنشا زەينەتكەرلەر، كاسiپكەرلiك قىزمەتپەن بايلانىستى ەمەس ماسەلەلەر بويىنشا، كاسiپكەرلiك قىزمەتپەن بايلانىستى ەمەس ماسەلەلەر بويىنشا كوپ بالالى وتباسىلار، از قامتىلعان تۇلعالارعا دا كورسەتىلەدى.
جوعارىدا اتالعان ادامداردىڭ بارلىعى تۇرعىلىقتى جەرى مەن ورنالاسقان جەرىنە قاراماستان قازاقستان رەسپۋبليكاسىنىڭ اۋماعىندا مەملەكەت كەپىلدىك بەرگەن زاڭ كومەگىن الۋعا قۇقىلى.