قازاقستاننىڭ ءۇش قالاسىنا قۇرمەتتى اتاق بەرىلدى.
الماتىدا وتكەن تمد cىرتقى ىستەر مينيسترلەرى كەڭەسىنىڭ وتىرىسى قورىتىندىسى بويىنشا ءبىرقاتار شەشىمدەر قابىلداندى، دەپ حابارلايدى aqshamnews.kz
قازاقستان سىرتقى ىستەر مينيسترلىگىنىڭ مالىمەتىنشە، جيىن بارىسىندا قاتىسۋشى ەلدەردىڭ سىرتقى ساياسات باسشىلارى حالىقارالىق كۇن تارتىبىندەگى وزەكتى ماسەلەلەر بويىنشا پىكىر الماسىپ، تمد اياسىنداعى ءوزارا ءىس-قيمىلدىڭ قازىرگى جاعدايى مەن كەلەشەگىن تالقىلادى.
قازاقستاننىڭ سىرتقى ىستەر ءمينيسترى مۇرات نۇرتىلەۋ تمد ەلدەر اراسىنداعى كەشەندى بايلانىستاردى نىعايتۋدا بۇل ۇيىم ماڭىزدى ءارى قاجەت الاڭ بولىپ قالا بەرەتىنىن اتاپ ءوتتى.
ۇلى وتان سوعىسىنداعى جەڭىستىڭ 80 جىلدىعىنا وراي تمد ەلدەرىنىڭ بىرنەشە قالاسىنا "1941–1945 جىلدارداعى ەڭبەك داڭقى قالاسى" قۇرمەتتى اتاعىن بەرۋ تۋرالى شەشىم قابىلداندى. قازاقستان تاراپىنان بۇل اتاققا استانا، الماتى جانە قاراعاندى يە بولدى.