قازاقستاندا جولاۋشىلار پويىزى ارقىلى كوممەرسيالىق جۇك تاسىمالداۋدىڭ جاڭا كەزەڭى باستالدى: استانادان الماتىعا Talgo پويىزى ارقىلى 1 توننا 700 كەلى جۇك ءساتتى جەتكىزىلدى. بۇل تۋرالى Aqshamnews.kz سايتى حابارلايدى.
جاڭا لوگيستيكالىق شەشىم – جىلدام ءارى ءتيىمدى
جۇك تاسىمالى "قازاقستان تەمىر جولى" ۇك مەن Warehouse Management IAA لوگيستيكالىق كومپانياسىنىڭ بىرلەسكەن سەرىكتەستىگى ارقىلى جۇزەگە استى. اتالعان كومپانيا ەلىمىزدەگى كيىم-كەشەك دۇكەندەرىنىڭ 80%-دان استامىنا قىزمەت كورسەتەدى جانە LTL-جەتكىزۋ بويىنشا جەتەكشى ويىنشى بولىپ تابىلادى.
ماقسات – جىلدامدىق پەن ساپا
جوبانىڭ باستى ماقساتى – تاۋاردى تۇتىنۋشىعا جەدەل جەتكىزۋ، تاسىمالداۋ ساپاسىن ارتتىرۋ جانە ءسان يندۋسترياسىنداعى بيزنەسكە زاماناۋي لوگيستيكالىق قىزمەت ۇسىنۋ. Talgo پويىزىنىڭ جىلدامدىعى مەن سەنىمدىلىگى لوگيستيكا سالاسىنداعى جاڭا مۇمكىندىكتەرگە جول اشۋدا.