سوڭعى ءۇش جىلدا الماتىعا كەلگەن شەتەلدىك تۋريستەر سانى 4،2 ەسەگە ارتتى
سوڭعى ءۇش جىلدا الماتىدا تۋريزم سالاسىندا ايتارلىقتاي ءوسىم بايقالدى. 2021 جىلدان باستاپ الماتىداعى تۋريستىك اعىن 91،8% – عا ءوستى، بۇل رەتتە شەتەلدىك تۋريستەر سانى رەكوردتىق 4،2 ەسەگە، ال ىشكى تۋريستەر سانى 56،3% - عا ءوستى. سالانىڭ ءوسۋى سالىق تۇسىمدەرىنىڭ 3 ەسەگە ۇلعايۋىمەن قاتار ءجۇردى.
تۋريستىك ينفراقۇرىلىمدى دامىتۋ ماقساتىندا 2022 جىلدان باستاپ قالادا جالپى نومىرلىك قورى 5972 ءنومىرلى 43 قوناق ءۇيدىڭ بەلسەندى قۇرىلىسى جۇرگىزىلۋدە. سونىمەن قاتار، تۋريستىك نىسانداردى قۇرۋ بويىنشا 26 جوبا ىسكە اسىرىلۋدا، ونىڭ 7ء-ى 2025 جىلى اياقتالادى.
ءتۋريزمدى دامىتۋ باعىتى بويىنشا الماتىدا كورسەتىلگەن كەزەڭدە 1000 كم-دەن استام تاۋ مارشرۋتتارى سيفرلاندىرىلدى، ونىڭ 750 كم-دەن استامى اباتتاندىرىلدى، "كىماسار"، "لۋننايا پوليانا"، "اق بۇلاق"، "تيتوۆا" جانە باسقالارىن قوسا العاندا، 13 كەمپينگ-ايماق قۇرىلدى. بۇل قالانى تابيعات پەن اشىق اۋادا اۋەسقويلار ءۇشىن تارتىمدى ەتەدى.
سوڭعى جىلدارى قالا حالىقارالىق دەڭگەيدە كەڭىنەن تانىلدى: الماتى تhe New York Times گازەتىنىڭ "بارۋعا 52 ورىن" بەدەلدى تىزىمىنە، سونداي-اق Wanderlust نۇسقاسى بويىنشا توپ-24 باعىتقا ەنگىزىلگەن. شىمبۇلاق جانە Oi-Qaragai تاۋ شاڭعىسى كۋرورتتارى تمد-دا ۇزدىك دەپ تانىلىپ، تۋريزمدەگى يننوۆاسيالارى ءۇشىن ماراپاتتارعا يە بولدى. كاتارداعى حالىقارالىق كورمەدە الماتى ۇزدىك تۋريستىك دەستيناسيا سىيلىعىن الدى.
الماتى 2025 جىلى 2،5 ملن-عا دەيىن تۋريستەردى تارتۋعا ۇمتىلا وتىرىپ، ءوز پوزيسياسىن نىعايتۋدى جالعاستىرۋدا. الماتىنىڭ تۋريستىك الەۋەتىن دامىتۋ جانە تۋريستەردى كوبىرەك تارتۋ ءۇشىن ينفراقۇرىلىمدى دامىتۋدى، قالانى حالىقارالىق نارىقتاردا ىلگەرىلەتۋدى جانە زاماناۋي ماركەتينگتىك قۇرالداردى ەنگىزۋدى قامتيتىن كەشەندى ءتاسىل ىسكە اسىرىلۋدا. Masterسard زەرتتەۋىنە سايكەس، تۋريستەردىڭ قاناعاتتانۋ يندەكسى 4% - عا ءوسىپ، 67،5%-دى قۇرادى، بۇل ۇسىنىلاتىن تۋريستىك قىزمەتتىڭ ساپاسىن راستايدى.