الماتىعا 150 جاڭا اۆتوبۋس جەتكىزىلەدى، دەپ حابارلايدى almaty-akshamy.kz
الماتى قالالىق موبيلدىلىك باسقارماسىنىڭ مالىمەتىنە سايكەس، مەگاپوليسكە قاراشا ايىنىڭ سوڭىندا گازبەن جۇرەتىن 150 اۆتوبۋس جەتكىزىلەدى.
«ساتىپ الىناتىن 12 مەترلىك «گولدەن دراگون» ماركالى گازبەن جۇرەتىن اۆتوبۋستاردىڭ سىيىمدىلىعى ۇلكەن، تومەن ەدەندى جانە ارنايى قالالىق جولاۋشىلار تاسىمالى ءۇشىن جاسالعان. زاماناۋي ستاندارتتارعا تولىق جاۋاپ بەرەدى، كونديسيونەرلەرمەن ءارى بەينەباقىلاۋ كامەرالارىمەن جابدىقتالعان. سىيىمدىلىعى — 150 ادام، وتىراتىن 30 ورىن بار»،- دەپ حابارلادى قالالىق موبيلدىلىك باسقارماسى.
تاسىمالداۋشى كومپانيا وكىلدەرى اتاپ وتكەندەي، قازىرگى كەزدە قالادا 1932 اۆتوبۋس بار. ءالى ءبىر مىڭعا جۋىق اۆتوبۋس جەتپەيدى. سونىمەن قاتار، جۇرگىزۋشىلەر تاپشى.
«ءقازىر اۆتوبۋستاردى ايدايتىن جۇرگىزۋشى بار، ەگەر جۇرگىزۋشى جۇمىستان كەتەتىن بولسا، ورنىنا ادام تابۋ قيىن»، - دەپ ناقتىلادى كومپانياداعىلار.
بۇل ماسەلەنى شەشۋ ءۇشىن باسقارما مەن تاسىمالداۋشى كومپانيالار كەشەندى جۇمىس جۇرگىزىپ جاتىر.