كامەرالار تولە بي داڭعىلى – مومىش ۇلى كوشەسى، رايىمبەك داڭعىلى - مومىش ۇلى كوشەسى، رايىمبەك داڭعىلى - ءاشىموۆ كوشەسىنە قويىلادى.
الماتىدان شىعاتىن نەگىزگى جەرلەردە تاكسي ۇستاۋشىلاردى قاداعالايتىن «سەرگەك» كامەرالارى ەكسپەريمەنتالدى تۇردە ورناتىلادى، دەپ حابارلايدى Almaty-akshamy.kz
«ءبىزدى قالادان شىعاتىن نەگىزگى توپتارداعى قوزعالىس جاعدايىنىڭ شيەلەنىسۋىنە بايلانىستى قالىپتاسقان جاعداي الاڭداتادى. تاكسي قىزمەتىن كورسەتەتىن كولىك قۇرالدارىنىڭ ءوتىپ بارا جاتقان بولىگىن توقتاتۋ ماقساتىندا جول بولىگىندە كولىك توقتاتاتىن كەيبىر ازاماتتار ءوز ارەكەتتەرىمەن جول بولىگىن جاساندى تارىلتىپ، كەپتەلىستەر مەن توتەنشە جاعدايلاردىڭ تۋىنداۋىنا اكەپ سوقتىرادى، سول ارقىلى وزدەرىنىڭ عانا ەمەس، باسقا جول قوزعالىسىنا قاتىسۋشىلاردىڭ دەنساۋلىعى، ومىرىنە دە ءقاۋىپ توندىرەدى»، - دەيدى الماتى قالالىق پوليسيا دەپارتامەنتى اكىمشىلىك پوليسيا باسقارماسى باستىعىنىڭ ورىنباسارى بولاتبەك باياتانوۆ.