الماتىدان «سالاماتتى قازاقستان» پويىزى جولعا شىقتى

پويىز شالعايدا جاتقان اۋىل تۇرعىندارىنا تەگىن مەديسينالىق كومەك كورسەتەدى.

ەلدى مەكەن ءۇشىن اسا قات دارىگەرلەر، ياعني ءتىس، كوز، قۇلاق-مۇرىن دارىگەرلەرى اۋىل حالقىن تەگىن تەكسەرىپ، ەمدەيدى. مەديسينالىق پويىز زاماناۋي دياگنوستيكالىق جابدىقتارمەن، شاعىن وپەراسيالىق بولمە جانە ارنايى زەرتحانامەن جابدىقتالعان، دەپ حابارلايدى Almaty-akshamy.kz 

بيىل جوباعا العاش رەت كاسىبي جانە تاجىريبەلى مەدياتورلار مەن زاڭگەرلەر قوسىلدى. ساپار اياسىندا 75 مىڭعا جۋىق اۋىل تۇرعىنى ەمدىك-كونسۋلتاسيالىق قىزمەت الادى دەپ جوسپارلانىپ وتىر.

«الىس جاتقان شالعايداعى اۋىلدارعا وتە كومەگى كوپ تيەدى.سەبەبى، ول جاقتاعى اۋداندىق بولنيسالارعا بارۋ ءۇشىن ارالارى ۇزاقتاۋ - ءۇش ساعات،ءتورت ساعات. ال ول اۋىلدىڭ تۇرعىندارى ول جاققا كوبىنەسە بارا المايدى»، - دەيدى مەديسينالىق پويىز قىزمەتكەرى دانا نۇرجان قىزى. 

«ۋزي-عا ءتۇسىرۋ مۇمكىندىگى بار.دەر كەزىندە اناليزدەردى تاپسىرۋ مۇمكىندىگى بار.بۇل جەردە كەيبىر ۋاقىتتاردا شاعىن وتا جاساۋ مۇمكىندىكتەرى بار.35 -تەن استام دارىگەر بولادى. بالالارعا دا كومەك كورسەتىلەدى.ۇلكەن كىسىلەرگە دە كومەك بەرىلەدى»، - دەيدى «Samruk-kazyna trust» الەۋمەتتىك جوبالاردى دامىتۋ قورىنىڭ باس ديرەكتورى الفيا ادييەۆا.