الماتى مەن قىتايدىڭ سيان قالاسىنىڭ اراسىندا ۇشىق قاتىنايتىن بولدى، دەپ حابارلايدى Almaty-akshamy.kz Inform.kz-كە سىلتەمە جاساپ.
حالىقارالىق قاتىناستى ودان ءارى جاڭارتۋ جانە اشۋ بويىنشا جۇرگىزىلىپ جاتقان جۇمىس شەڭبەرىندە ق ر ييدم ازاماتتىق اۆياسيا كوميتەتى جۇڭگو حالىق رەسپۋبليكاسىنىڭ اۆياسيالىق بيلىك ورىندارىمەن بىرلەسىپ جۇڭگو تاراپىنىڭ جيىلىكتەر سانى مەن تاعايىندالعان پۋنكتتەرى بويىنشا شەكتەۋلەرىن ەسكەرە وتىرىپ، قازاقستان مەن جۇڭگو اراسىنداعى تۇراقتى جولاۋشىلار رەيستەرىن ۇلعايتۋ ماسەلەسىن پىسىقتادى.
اعىمداعى جىلدىڭ 23 جەلتوقسانىنان باستاپ «China Southern Airlines» اۋەكومپانياسى الماتى – سيان باعىتى بويىنشا جۇما كۇندەرى اپتاسىنا 1 رەيس جيىلىگىمەن ب-738 ۇلگىسىندەگى اۋە كەمەلەرىندە تۇراقتى جولاۋشىلار رەيستەرىن ورىنداۋدى باستاۋدى جوسپارلاپ وتىر.
بۇل رەيستىڭ اشىلۋى ەكى ەل اراسىنداعى ساۋدا-ەكونوميكالىق، ينۆەستيسيالىق، تۋريستىك جانە مادەني ىنتىماقتاستىقتىڭ دامۋىنا وڭ اسەر ەتەدى.