الماتىدان ميلانعا تىكەلەي جولاۋشىلارعا ارنالعان اۋە رەيستەرى اشىلادى

12 ماۋسىمدا ميلان – الماتى – ميلان باعىتىنداعى جولاۋشىلارعا ارنالعان تىكەلەي اۋە رەيستەرى اشىلادى

12 ماۋسىمنان باستاپ ميلان – الماتى – ميلان باعىتىنداعى جولاۋشىلارعا ارنالعان تىكەلەي اۋە رەيستەرى اشىلادى، دەپ حابارلايدىlmaty-akshamy.kz قازاقپاراتقا سىلتەمە جاساپ.

ق ر يندۋستريا جانە ينفراقۇرىلىمدىق دامۋ مينيسترلىگى باسپا ءسوز قىزمەتىنىڭ حابارلاۋىنشا، مينيسترلىكتىڭ ازاماتتىق اۆياسيا كوميتەتى ءتوراعاسىنىڭ ورىنباسارى سالتانات تومپييەۆا يتاليالىق NEOS اۋە كومپانياسىنىڭ وكىلدەرىمەن كەزدەستى.

كەزدەسۋ بارىسىندا تاراپتار الماتى جانە ميلان قالالارى اراسىندا حالىقارالىق اۋە رەيستەرىن اشۋ تۋرالى كەلىسىم جاسادى.

ميلان – الماتى – ميلان باعىتىنداعى تۇراقتى اۋە رەيستەرى بيىلعى جىلدىڭ 12 ماۋسىمىنان باستالادى دەپ كۇتىلۋدە. جولاۋشىلار تاسىمالى ءار اپتانىڭ دۇيسەنبى جانە بەيسەنبى كۇندەرى Boeing 737 جانە 787 اۋە كەمەلەرى ارقىلى جۇزەگە اسىرىلماق.

سونداي-اق كەزدەسۋ بارىسىندا تاراپتار تىكەلەي اۋە رەيستەرىنىڭ اشىلۋى مەملەكەتتەر اراسىنداعى ساۋدا-ەكونوميكالىق، ينۆەستيسيالىق، تۋريستىك جانە مادەني ىنتىماقتاستىقتىڭ ودان ارمەن دامۋىنا تيگىزەتىن ماڭىزىنا نازار اۋداردى.