الماتىنىڭ اتىنان ميلان-كورتينا- 2026 قىسقى وليمپيادا ويىندارىندا ءتورت قىسقى سپورت تۇرىنەن 12 وليمپيادالىق ليسەنزيا العان التى سپورتشى ونەر كورسەتەدى، - دەپ حابارلايدى Aqshamnews.kz.
بۇل تۋرالى الماتى قالاسىنىڭ سپورت باسقارماسىنىڭ وكىلدەرى حابارلادى.
الماتى قۇراماسىنا ەنگەن سپورتشىلار:
ميحايل شايدوروۆ — مانەرلەپ سىرعاناۋ؛
ەۆگەنيي كوشكين — كونكيمەن جۇگىرۋ سپورتى؛
الەكساندرا سكوروحودوۆا، روستيسلاۆ حوحلوۆ — تاۋ شاڭعىسى سپورتى؛
يليا ميزەرنىح، دانيل ۆاسيليەۆ — شاڭعىمەن تۇعىردان سەكىرۋ (ءۇش ديسيپلينا بويىنشا).
الماتىلىق سپورتشىلار قازاقستان رەسپۋبليكاسى مەن الماتى قالاسىنىڭ اتىنان الەمدەگى ەڭ ءىرى حالىقارالىق سپورتتىق دودالاردىڭ بىرىنە قاتىسىپ، ەلىمىزدىڭ قىسقى سپورت مەكتەپتەرىنىڭ جوعارى دەڭگەيىن جانە باسەكەگە قابىلەتتىلىگىن كورسەتەدى.
الماتىلىقتاردىڭ وليمپيادا ويىندارىنا قاتىسۋى - الماتى قالاسىندا جوعارى جەتىستىكتەر سپورتىن دامىتۋ جانە بولاشاعى زور سپورتشىلاردى قولداۋ باعىتىندا جەرگىلىكتى اتقارۋشى ورگانداردىڭ جۇيەلى جۇمىسىنىڭ ناتيجەسى.