جاڭا پويىز ەلوردادان 17 شىلدەدەن باستاپ تاق كۇندەرى جونەلتىلەدى.
«جولاۋشىلار تاسىمالى» اق تالگو ۆاگوندارىنان جاساقتالعان نۇر-سۇلتان نۇرلى جول – الماتى-2 باعىتىنداعى №204/203 كوممەرسيالىق جولاۋشىلار پويىزىن ىسكە قوستى، دەپ حابارلايدى Almaty-akshamy.kz «قازاقستان تەمىر جولى» ۇك» اق باسپا ءسوز قىزمەتىنە سىلتەمە جاساپ.
كومپانيا تاراتقان اقپارات بويىنشا، جولاۋشىلار پويىزى ەكى قالانىڭ اراسىندا كۇنارا قاتىنايدى.
«پويىز نۇر-سۇلتان نۇرلى جول ستانسياسىنان 2022 جىلعى 17 شىلدەدەن باستاپ تاق كۇندەرى جونەلتىلەدى. الماتى-2 ستانسياسىنان 18 شىلدەدەن باستاپ جۇپ كۇندەرى جۇرەتىن بولادى»، - دەپ جازدى ۆەدومستۆو.
ۇلتتىق تاسىمالداۋشى كومپانيا جولاۋشىلاردان جول ءجۇرۋ قۇجاتتارىن (بيلەتتەردى) BILET.RAILWAYS.KZ سايتى نەمەسە «قتج بيلەتتەرى» ءموبيلدى قوسىمشاسى ارقىلى ونلاين راسىمدەۋدى سۇرايدى. ۆاگوندا ورىن بولماعان جاعدايدا تەمىرجول بيلەتتەرىن ساتىپ الۋ ءۇشىن «كۇتۋ پاراعى» فۋنكسيونالىن پايدالانۋدى ۇسىنادى.
ال كەز كەلگەن سۇراقتار بويىنشا 1433 نومىرىنە نەمەسە Instagram الەۋمەتتىك جەلىسى ارقىلى حابارلاسۋعا بولادى.