الماتىدان باا-گە ۇشاقتار قاتىنايتىن بولادى

شاردجادان نۇر-سۇلتان، الماتى، شىمكەنت جانە اقتاۋعا FlyArystan ۇشاقتارى قاتىنايدى.

17 قازاننان باستاپ وتاندىق لوۋكوستەر FlyArystan شاردجاعا (ءباا) نۇر-سۇلتاننان، الماتىدان، شىمكەنتتەن جانە اقتاۋدان رەيستەر اشادى، دەپ حابارلايدى Almaty-akshamy.kz Aikyn.kz-كە سىلتەمە جاساپ. 

كaz.tengritravel.kz مالىمەتىنشە، تۇراقتى ءارى چارتەرلىك رەيستەر شاردجا حالىقارالىق اۋەجايىنا ورىندالاتىن بولادى، بيلەتتىڭ ەڭ تومەنگى قۇنى ءبىر باعىتتا ۇشۋ ءۇشىن 39 999 تەڭگەدەن باستالادى. ءار قالادان ۇشۋ تۇراقتىلىعى – اپتاسىنا 3 رەت، الماتىدان ۇشۋ جيىلىگى اپتا سايىن 5 ەسەگە دەيىن ارتۋى مۇمكىن.
17 قازاننان باستاپ (سەيسەنبى، سارسەنبى، جۇما، سەنبى، جەكسەنبى)
- الماتى – شاردجا – الماتى. قۇنى –  59 999 تەڭگە.
31 قازاننان باستاپ (دۇيسەنبى، بەيسەنبى، سەنبى)
- اقتاۋ – شاردجا – اقتاۋ. قۇنى – 39 999 تەڭگە؛
- شىمكەنت – شاردجا – شىمكەنت. قۇنى – 39 999 تەڭگە.
31 قازاننان باستاپ (سەيسەنبى، جۇما، جەكسەنبى)
- نۇر-سۇلتان – شاردجا – نۇر-سۇلتان. قۇنى – 59 999 تەڭگە.

«اراب امىرلىكتەرى – كوپتەگەن قازاقستاندىقتاردىڭ سۇيىكتى دەمالىس ورنى. كۇزگى-قىسقى كەزەڭدە پارسى شىعاناعىنىڭ قۇمدى جاعاجايلارى كەرەمەت دەمالىس سىيلايدى، ال ساۋدا بويىنشا الەمدەگى مىقتىلاردىڭ ءبىرى. قازاقستاننىڭ 4 قالاسىنان تىكەلەي رەيستەردىڭ پايدا بولۋىمەن دەمالىس قولجەتىمدى بولادى، ويتكەنى بۇرىن مۇنداي ارزان ۇسىنىستار بولعان جوق. FlyArystan تەك ىشكى باعىتتارعا عانا ەمەس، سونىمەن قاتار مينيمالدى تاريفتەر مەن جايلى شارتتار بويىنشا ءتۇرلى حالىقارالىق اۋە قاتىناستارىن ۇسىنۋعا ءتيىمدى ۇسىنىستارمەن قۋانتۋعا دايىن»، – دەدى لوۋكوستەردىڭ جەلىلىك جوسپارلاۋ جونىندەگى ديرەكتورى رەنات ءابىلحانوۆ.