بالالار ەرەسەكتەرگە قاراعاندا ينفەكسيانى جەڭىل وتكىزەدى.
الماتى وبلىسىندا كوروناۆيرۋسپەن اۋىرعان 810 بالا امبۋلاتوريادا ەمدەلىپ ءجۇر، دەپ حابارلايدى Almaty-akshamy.kz قازاقپارات-قا سىلتەمە جاساپ.
ولاردىڭ 48ء-ى ءبىر جاسقا تولماعان، 243ء-ى 1-5 جاستا، 351ء-ى 5 پەن 14 جاس ارالىعىنداعى، 168ء-ى 14-17 جاستاعى ءجاسوسپىرىم.
«بالالارداعى اۋرۋدىڭ بەلگىلەرى، باس اۋرۋى، جرۆي، تابەتتىڭ جوعالۋى، ءىشتىڭ اۋىرۋى بولۋى مۇمكىن. ءبىراق، بالالار ەرەسەكتەرگە قاراعاندا ينفەكسيانى جەڭىل وتكىزەدى. ياعني، اۋرۋدى كوتەرە الادى. ولاردان ەرەسەكتەر سياقتى وكپەنىڭ زاقىمدانۋى بايقالمادى. سOVID-19 بالالاردا ەڭ الدىمەن جوعارعى تىنىس جولدارىنا اسەر ەتەدى (مۇرىن، اۋىز، جۇتقىنشاق). سوندىقتان ولار سۋىق تيۋ سياقتى بەلگىلەرى بايقالادى»، - دەدى الماتى وبلىسى دەنساۋلىق ساقتاۋ باسقارماسى باسشىسىنىڭ بوساندىرۋ جانە بالالار بويىنشا ورىنباسارى لەيلا سەرىكبايەۆا.
ايتا كەتەيىك، قازىرگى كارانتين تالاپتارىنا سايكەس، سىنىپتا بولماسا توپتا COVID-19 اۋرۋىنىڭ 1 جاعدايى تىركەلگەن كەزدە سىنىپ نەمەسە توپ 14 كۇن بويى ءۇي كارانتينىنە وقشاۋلاۋعا جىبەرىلەدى. سونداي-اق، ءبىر اۋىسىمنىڭ 30%-دان استام سىنىپتارىندا COVID-19 اۋرۋىنىڭ جاعدايلارى 1 ينكۋباسيالىق كەزەڭدە ورتا ءبىلىم بەرۋ ۇيىمىندا تىركەلگەن كەزدە - اۋىسىم 14 كۇن بويى ءۇي كارانتينىنە وقشاۋلانادى.